Revelasion 13:3 - Nouvo Testaman Kreol Morisien Harmonisation NTPS KM

³ Enn so latet ti paret ena enn blesir mortel, me so ple ti geri. Later antie ti emerveye e ti swiv bebet-la.

Nouvo Testaman dan Kreol Morisien

³ Enn so latet ti paret ena enn blesir mortel, me so ple ti geri. Later antie ti emerveye e ti swiv bebet la.

Revelasion 13:3 Referans Kwoze

Revelasion 17:8

Bebet ki to ti trouve la, li ti existe me zordi li nepli la. Li pou remonte depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemond, pou etone kan zot pou trouv bebet-la, parski li ti existe, li nepli existe me li pou revini.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet-la. Li ti dimann bann abitan fer enn zimaz sa bebet ki ti finn blese ar lepe la, e ki ti ankor pe viv.

Revelasion 17:17

Parski Bondie finn met dan zot leker proze pou realiz so plan. Zot pou met zot dakor pou sed zot pouvwar bebet-la ziska ki parol Bondie fini realize.

Revelasion 17:10

Sink ant zot finn tonbe, aster-la siziem-la ki pe regne e setiem-la pankor vini e ler li vini li pa pou res tro lontan.

Revelasion 17:13

Tou sa bann lerwa-la ena enn sel lintansion: donn zot pouvwar ek zot lotorite sa bebet-la.

Revelasion 13:12

Li ti exers tou pouvwar sa premie bebet-la dan so prezans. Li ti fors later ek tou so bann abitan ador sa premie bebet ki so blesir ti finn geri la.

Zistwar Bann Zapot 8:13

Mem Simon ti krwar. Apre so batem li ti res avek Filip e li ti etone kan li ti trouv bann sign ek mirak ki ti pe arive.

Lk 2:1

Sa lepok-la Sezar Ogis donn lord fer resansman tou bann abitan Lanpir Romin.

Revelasion 17:6

Mo trouve ki sa fam-la ti sou avek disan lepep Bondie ek disan bann temwin Zezi. Letan mo trouv li, mo ti etone.

Zn 12:19

Lerla bann Farizien dir ant zot, “Zot trouve, tou seki fer pa marse; gete, lemond pe galoup deryer li.”

Revelasion 17:11

Bebet ki ti existe lontan la e ki nepli la, limem enn witiem lerwa, me li fer parti sa group set la, e li pa pou sape.