Revelasion 10:3 - Nouvo Testaman Kreol Morisien Harmonisation NTPS KM

³ li kriye bien for kouma enn lion. Letan li kriye, sa set loraz-la ti fer tapaz.

Nouvo Testaman dan Kreol Morisien

³ li kriye bien for kouma enn lion. Letan li kriye, sa set loraz la ti fer tapaz.

Revelasion 10:3 Referans Kwoze

Revelasion 4:5

Ti ena zekler, enn pake tapaz, kout toner e devan tronn-la set flanbo ti pe brile; samem set lespri Bondie.

Revelasion 15:1

Apre sa, mo trouv enn lot gran sign etonan dan lesiel: set anz avek set fleo, zotmem dernie parmi bann dernie fleo. Ofet atraver zot, lakoler Bondie pou ariv so pwin final.

Revelasion 14:2

Lerla mo tann enn lavwa rezone dan lesiel kouma enn kaskad dilo ek son loraz. Lavwa-la resanble son bann mizisien ki ti pe zwe zot laarp.

Revelasion 8:5

Apre anz-la pran lansanswar, li ranpli li ar dife ki sorti lor lotel e li avoy sa lor later; e ti ena kout toner, loraz, zekler ek tranbleman-de-ter.

Proverb 19:12

Kan lerwa ankoler li kouma enn lion ki fer per; me so bonte kouma laroze ki rafresi lerb ver.

Revelasion 15:7

Enn parmi sa kat kreatir vivan la donn sa set anz-la set koup an-or plin ar lakoler Bondie, ki viv pou touzour.

Psom 29:3

Lavwa LESEGNER rezone lor lamer; Bondie laglwar rezone kouma toner, LESEGNER rezone lor tou bann losean.