Psom 93:1 - Nouvo Testaman Kreol Morisien Harmonisation NTPS KM

¹ LESEGNER, limem lerwa, li anvlope par mazeste divinn, LESEGNER ena mazeste ek pwisans kouma enn tinik rwayal. Li finn etabli lemond bien ferm, pena li bouze.

Kreol Morisyen OT Portions

¹ LESEGNER, limem lerwa, li anvlope par mazeste divinn, LESEGNER ena mazeste ek pwisans kouma enn tinik rwayal. Li finn etabli lemond bien ferm, peyna li bouze.

Psom 93:1 Referans Kwoze

Psom 96:10

Dir tou bann tribi, “LESEGNER limem lerwa. Lemond finn etabli bien ferm, pena li bouze. Li pou ziz tou dimounn ar drwatir.”

Psom 99:1

LESEGNER, limem lerwa; lepep partou tranble. Li asiz lor so tronn pli lao ki bann seribin; e liniver antie emerveye.

Revelasion 19:6

Lerla mo tann enn lavwa koumadir enn gran lafoul dimounn, ondire tapaz vag lamer ek loraz, ki pe kriye, pe dir, “Alelouya! parski nou Segner Bondie Toupwisan, li regne.

Psom 103:19

LESEGNER finn plas so tronn dan lesiel; li enn lerwa siprem ki regne lor tou.

Psom 65:6

Ar to lafors to plas montagn kot bizin. To deborde ar pwisans.

Psom 97:1

LESEGNER, limem lerwa! Later dans ar lazwa! Tou bann lil atraver losean, montre zot kontantman!

Psom 59:13

bril zot ar to lakoler; exterminn zot net. Lerla lemond antie pou konpran ki Bondie gouvern Izrael.

Eb 1:8

Me lor so Garson, Bondie finn dir, “Bondie, to tronn li pou res pou touzour. Dan lazistis to pou gouvern to rwayom.

Psom 145:13

To regn pou enn regn eternel e to pouvwar rwayal pou dire pou touzour. LESEGNER fidel dan tou so parol, dan tou so aksion li montre so bonte.

Psom 18:32

Limem ki donn mwa lafors e montre mwa sime ki sir.

Mt 6:13

Pa les nou tom dan tantasion Me tir nou dan lemal.’

Psom 75:3

Mem si tou kreatir vivan pou tranble, mem si later pou sakouye, Mo pou tini so bann kolonn anplas.

Psom 65:7

To kalme laraz lamer, to apez tapaz vag; to tengn lakoler lepep.