Psom 89:26 - Nouvo Testaman Kreol Morisien Harmonisation NTPS KM

²⁶ Li pou dir mwa, ‘Tomem mo Papa, mo Bondie, mo protekter ek mo Sover.’

Kreol Morisyen OT Portions

²⁶ Li pou dir mwa, ‘Tomem mo Papa, mo Bondie, mo protekter ek mo Sover.’

Psom 89:26 Referans Kwoze

Psom 95:1

Vini tou dimounn, anou sant louanz LESEGNER; Anou kriye for nou lazwa dan Bondie ki nou Sover.

Mt 26:42

Enn deziem fwa, li al pli lwin e li priye, “Papa, si li pa posib ki sa koup la res lwin ar mwa e ki mo bizin bwar li, mo pou touzour fer dapre to volonte.”

Psom 62:2

Li tousel mo protekter ek mo sover; li mo fortres; nanye pa pou sekwe mwa.

Zn 11:41

Lerla zot tir ros-la. Zezi lev so lizie lao e li dir, “Papa, mo rann twa gras parski to finn ekout mwa.

Lk 23:46

Zezi kriye bien for, “Papa, mo met mo lespri dan to lame.” Letan li fini dir sa, li rann so dernie soupir.

Psom 18:46

Mo SEGNER li vivan! Mo loue mo Bondie solid! Mo loue Bondie ki finn sov mwa!

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Mk 15:34

Trwa-z-er, Zezi kriy bien-bien for, “Eli, Eli, la-ma sabaktani?” - savedir, “Bondie, Bondie, kifer to finn abandonn mwa?”

Psom 43:4

Lerla mo pou al divan to lotel, O Bondie, twa ki lasours mo boner. Ar sitar mo pou sant to louanz, O Bondie, mo Bondie!

Eb 1:5

Ofet, avek ki anz Bondie finn deza dir, “Tomem mo Garson; zordi mo finn vinn to Papa”? Oubien, ar ki anz li finn dir, “Mo pou vinn enn Papa pou li, e li pou vinn enn Garson pou mwa”?

Mt 26:39

Li al inpe pli lwin, li tom azenou, so fron tous later e li priye, “Papa, si li posib, met sa koup-la lwin ar mwa, selman pa kouma mo oule me fer kouma twa to oule.”