Psom 84:9 - Nouvo Testaman Kreol Morisien Harmonisation NTPS KM

⁹ Beni nou lerwa, nou boukliye, beni lerwa ki to finn konsakre.

Kreol Morisyen OT Portions

⁹ Beni nou lerwa, nou boukliye, beni lerwa ki to finn konsakre.

Psom 84:9 Referans Kwoze

Psom 2:2

Zot bann lerwa lor later pe prepar lager, zot bann dirizan pe vinn ansam kont LESEGNER e kont lerwa ki li finn konsakre.

Psom 132:17

Enn parmi desandan David pou vinn enn gran lerwa isi; isi mo pou prezerv regn lerwa ki mo finn swazir kouma enn lalanp alime.

Psom 98:1

Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti vinker.

Psom 89:20

Mo finn met mo serviter David lor tronn e mo finn beni so latet ar delwil sakre.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Zistwar Bann Zapot 4:27

Li bien vre ki Erod e Pons Pilat finn marye-pike, ansam ar bann nasion ek Izrael, kont Zezi, to serviter sin, ki to finn konsakre.

Psom 59:11

Pa touy zot parski sinon mo pep pou bliye vit. Fer zot balote par to pouvwar ek abes zot, Segner nou boukliye.

Psom 3:3

Me twa, SEGNER, to touzour boukliye ki protez mwa; to sov mo loner, to relev mo latet.

Psom 2:6

Li dir zot, “Mwa ki finn swazir mo lerwa, mo finn instal li lor Sion, montagn sakre.”

Psom 17:1

SEGNER, ekout mo lapriyer ki demann lazistis; tann mwa ki pe apel osekour; pa ignor enn lapriyer onet.