Psom 73:28 - Nouvo Testaman Kreol Morisien Harmonisation NTPS KM

²⁸ Mwa mo kone kouma li bon kan nou pre ar Bondie; Mo finn swazir Lesegner BONDIE pou protez mwa; mo pou proklam tou to bann bienfe.

Kreol Morisyen OT Portions

²⁸ Mwa mo kone kouma li bon kan nou pre ar Bondie; Mo finn swazir Lesegner BONDIE pou protez mwa; mo pou proklam tou to bann bienfe.

Psom 73:28 Referans Kwoze

Psom 40:5

Zot vremem boukou, SEGNER, mo Bondie, bann mirak ek bann mervey ki to finn fer pou nou. Pena to segon! Mo anvi rakonte, rakonte mem, me konte fini, ankor ena mervey pou rakonte.

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

Psom 65:4

Bienere seki to finn swazir, seki to finn akeyir dan to sanktier. Nou pou rasazie ar bon kiksoz dan to lakaz, ki nou gagne dan to Tanp sakre.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Psom 118:17

Non, mo pa pou mor; okontrer mo pou viv mo lavi pou mo rakont bann mervey ki LESEGNER finn realize.

Psom 71:24

Touletan mo pou koz lor to drwatir parski bann ki ti rod fer mwa ditor finn kouver ar laont ek dezoner.

Psom 84:10

Enn zourne dan to Tanp li vo plis ki mil zourne dan enn lot landrwa; preferab mo enn portie divan lakaz Bondie ki viv dan lakaz bann move dimounn.

Psom 116:7

Mo lespri trankil, mo retrouv mo repo, parski LESEGNER finn fer dibien pou mwa.

Psom 107:22

Zot bizin ofer sakrifis remersiman; ar sante lazwa dir lemond antie grander Bondie.

Psom 71:17

Depi mo zanfan to finn ansegn mwa e malgre mo laz mo kontinie rakont tou to bienfe.

Psom 66:16

Vinn ekout mwa zot tou ki ena lakrint Bondie e mo pou dir zot seki Bondie finn fer pou mwa.

Psom 14:6

Bann move dimounn, zot rod devir plan ti-dimounn pov me zot bliye ki LESEGNER limem protekter bann pov.

Psom 71:15

Mo pou rakont to drwatir, tout lazourne mo pou koz lor tou seki to finn fer pou sov nou mem si mo pa bien konpran tou.