Psom 51:4 - Nouvo Testaman Kreol Morisien Harmonisation NTPS KM

⁴ Kont twa, kont to tousel ki mo finn fer pese, e mo finn al fer seki to konsider lemal. To ena rezon trouv mwa koupab santans ki to prononse, li zis.

Kreol Morisyen OT Portions

⁴ Kont twa, kont to tousel ki mo finn fer pese, e mo finn al fer seki to konsider lemal. To ena rezon trouv mwa koupab santans ki to prononse, li zis.

Psom 51:4 Referans Kwoze

Lk 15:21

Garson-la dir li, ‘Papa, mo finn fer pese kont lesiel e kont twa; mo nepli dign ki to apel mwa to garson.’

Let pou Romin 3:4

Non, zame! Bondie pou res touletan laverite, mem si bann imin manter. Dan Lekritir finn ekrir, “Bizin rekonet lazistis dan to Parol, e ki to triyonfe kan ziz twa.”

Revelasion 16:5

Alor mo tann anz ki ena lotorite lor dilo la dir, “Twa ki exis, e ki ti existe, twa ki zis, twa ki sin, To finn touletan azir ar lazistis.

Let Zak 2:9

Me si zot montre diskriminasion, zot komet enn pese e lalwa pou kondann zot kouma enn kaser lalwa.

Let pou Romin 2:5

Me to pa oule konpran, to pa dispoze sanze. Akoz sa to atir enn pli gran pinision lor twa pou sa zour kot Bondie pou revel so zizman ki zis la.

Zistwar Bann Zapot 17:31

parski li finn fixe enn zour kot li pou ziz lemond avek zistis par enn zom ki li finn swazir; e pou sa, li finn donn lasirans tou dimounn par aksion ki li finn fer, li finn relev li parmi bann mor.”

Lk 7:29

Lafoul dimounn ek bann komi tax, ki ti tann sa, ti trouve ki Bondie zis parski zot ti deza resevwar batem Zan;

Psom 50:6

Liniver pe proklame ki Bondie Li bon ek zis e limem pli gran ziz.

Psom 50:4

Li ordonn later ek lesiel vinn dibout temwin pou get kouma li ziz so pep.

Revelasion 19:11

Lerla mo trouv lesiel ouver e enn seval blan paret. So kavalie ti apel Fidel ek Verite. Li drwat dan so zizman e li konbat avek lazistis.

Let Zak 2:11

Dimounn ki dir, “To pa komet adilter,” dir osi, “To pa fer krim.” Aster-la si to pa komet adilter me fer krim, to finn kas lalwa.