Psom 5:7 - Nouvo Testaman Kreol Morisien Harmonisation NTPS KM

⁷ Akoz labondans to gran lamour infini mo pou kapav rant dan to lakaz, bes mo latet dan direksion to Tanp sakre, e avek gran respe mo pou azenou.

Kreol Morisyen OT Portions

⁷ Akoz labondans to gran lamour infini mo pou kapav rant dan to lakaz, bes mo latet dan direksion to Tanp sakre, e avek gran respe mo pou azenou.

Psom 5:7 Referans Kwoze

Psom 138:2

Mo fer fas to Tanp sakre, mo azenou e mo loue to nom pou to lamour infini e to fidelite parski to finn prouve ki to nom ek to lalwa zot pli ot e pli gran ki tou.

Psom 132:7

Nou ti dir, “Anou al dan lakaz LESEGNER; laba anou fer servis adorasion devan so tronn.”

Psom 69:13

Me mwa, SEGNER, mo priye twa. Bondie, dan letan ki twa to trouv bon, reponn mwa, dan labondans to lamour infini, twa ki fidel pou sov nou.

Eb 4:16

Avek konfians, anou apros tronn Bondie pou resevwar so mizerikord ek so lagras pou ed nou kan nou bizin.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

Psom 69:16

Reponn mwa, SEGNER, dan to lamour infini; dan to mizerikord tourn ver mwa.

Psom 55:16

Mo kriye Bondie osekour, e LESEGNER vinn sov mwa.

Psom 52:8

Me mwa mo kouma enn pie zoliv dan Tanp Bondie; mo finn fer konfians so lamour infini pou leternite.

Psom 51:1

Ena pitie pou mwa, Bondie, dan to gran lamour infini. Dan to gran mizerikord efas tou mo pese.

Psom 28:2

Pran mwa kont ler mo apel osekour; tann mo detres ler mo lev lame lao dan lapriyer ver to Tanp ki sin.

Psom 130:4

Akoz to aksepte pardonn nou, nou dwa twa respe ek reverans.

Psom 34:17

Bann ki dan bon sime apel osekour, LESEGNER tann zot, li tir zot dan zot langwas.

Psom 101:7

Bann ki pratik tronpri pa pou ena plas dan mo lakaz; ipokrit ki servi mansonz pa pou ena plas dan mo prezans.

Proverb 6:16

Ena sis kitsoz ki LESEGNER deteste: Regar vantar, lalang manter, lame ki tir lavi inosan, leker ki tir plan modi, lipie ki galoupe pou al komet lemal, labous enn fos temwin ki fann mansonz. Ala enn setiem ki LESEGNER pa siporte: Dimounn ki sem zizani e met dibri ant frer-ser.