Psom 5:5 - Nouvo Testaman Kreol Morisien Harmonisation NTPS KM

⁵ Bann vantar pa pou tini dibout divan twa; to deteste move dimounn.

Kreol Morisyen OT Portions

⁵ Bann vantar pa pou tini dibout divan twa; to deteste move dimoun.

Psom 5:5 Referans Kwoze

Psom 11:5

LESEGNER teste tou dimounn, so bon kouma so move. Li deteste bann ki servi violans.

Psom 1:5

Bann move dimounn pou kondane dan zizman, bann ki fer pese pa pou rant dan lasanble lepep Bondie.

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tengn e ki finn prepare pou Satan ek so bann asosie.

Proverb 1:7

Rekonet lotorite LESEGNER, samem koumansman konesans; zis bann vantar ki ignor lasazes ek bon ledikasion.

Proverb 8:5

Zot, bann ti-lespri, aprann gagn disernman; zot ki ankor bet, aprann vinn intelizan.

Mt 7:23

Lerla li pou dir zot, ‘Zame mo pa finn konn zot; sorti la ale, zot ki komet lemal.’

Proverb 1:22

“Bann bet, Komie letan ankor zot pou kontan zot betiz? Komie letan ankor bann insolan pou kontign insilte? Komie letan ankor bann inbesil pou ignor konesans?

Psom 75:4

Mo averti bann fezer, “Aret fer zot fezer.” Mo dir bann move dimounn, “Aret fer vantar.

Psom 130:3

SEGNER, si to ti gard enn lalis tou nou pese, kisann-la ti pou kapav res dan to prezans?

Psom 94:8

Kouma zot bet koumsa? Bann inbesil, kan zot pou konpran?

Psom 92:6

Sa, enn dimounn bet pa kapav sezi, ti-lespri zame pou konpran sa:

Psom 14:1

Bann inbesil panse dan zot leker, “Pou mwa, pena Bondie!” Zot koronpi; zot fer bann krim orib; pena enn osi ki fer dibien.

Psom 73:3

parski mo ti anvi pran plas bann vantar letan mo trouv bann move dimounn pe prospere.

Psom 10:3

Move dimounn li fier so prop move dezir; dimounn gourman li modi LESEGNER e li pena respe pou li.

Proverb 15:9

LESEGNER deteste konportman bann move dimounn; me li kontan bann ki azir bien.