Psom 45:7 - Nouvo Testaman Kreol Morisien Harmonisation NTPS KM

⁷ ou kontan lazistis; ou deteste seki move. Akoz sa Bondie, ou Bondie, finn swazir ou, e finn aroz lor ou latet delwil benediksion, lonksion ki okenn lezot lerwa pa finn resevwar.

Kreol Morisyen OT Portions

⁷ ou kontan lazistis; ou deteste seki move. Akoz sa Bondie, ou Bondie, finn swazir ou, e finn aroz lor ou latet delwil benediksion, lonksion ki okenn lezot lerwa pa finn resevwar.

Psom 45:7 Referans Kwoze

Eb 1:9

To kontan seki drwat e to deteste seki move. Akoz samem Bondie, to Bondie, finn konsakre twa; avek enn delwil sin li finn donn twa lonksion; li finn rann twa pli zwaye ki to bann kamarad.”

Psom 21:6

To finn beni li pou touletan; e to prezans ranpli li ar lazwa.

Psom 33:5

LESEGNER kontan tou seki drwat ek zis; So lamour infini prezan partou lor later.

Ef 1:3

Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

Zistwar Bann Zapot 2:28

To finn montre mwa sime ki donn lavi, e to prezans ranpli mwa ar lazwa.’

Zn 3:34

Dimounn ki Bondie finn avoye, koz Parol Bondie, parski Bondie finn donn li Lespri an abondans.

Psom 101:8

Zour apre zour boner gramatin mo pou detrir move dimounn dan pei; move dimounn pa pou ena plas dan lavil LESEGNER.

Zn 1:16

Nou tou finn resevwar benediksion enn lor lot ki sorti depi so grander infini.

Psom 99:4

O Lerwa Toupwisan, to kontan seki drwat; to finn etabli lord, drwa e zistis dan Izrael.

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

Psom 89:26

Li pou dir mwa, ‘Tomem mo Papa, mo Bondie, mo protekter ek mo Sover.’

Psom 89:20

Mo finn met mo serviter David lor tronn e mo finn beni so latet ar delwil sakre.

Psom 11:7

Parski LESEGNER limem drwatir, li kontan bann aksion ki zis, bann ki viv drwat pou viv dan so prezans.

Lk 3:22

lesiel ouver, e Lespri Sin desann lor li dan form enn vre kolonb, ek enn lavwa sorti dan lesiel, li dir, “Tomem mo Garson ki mo kontan, to fer mo boner.”

Mt 3:15

Zezi reponn li, “Les ale aster-la, parski koumsa mem ki nou pou akonpli lazistis Bondie.”

Psom 2:2

Zot bann lerwa lor later pe prepar lager, zot bann dirizan pe vinn ansam kont LESEGNER e kont lerwa ki li finn konsakre.

Revelasion 21:27

Me okenn inpirte pa pou rant dan lavil-la, ni personn ki pratik abominasion ou mansonz, me zis dimounn ki so nom finn ekrir dan liv lavi Agno.

Eb 7:26

Samem sa kalite gran pret-la ki nou ti bizin. Kikenn ki sin, san okenn defo, ki pena pese, separe avek bann peser e ki plase pli ot dan lesiel.

Eb 2:14

Parski sa bann zanfan-la, zot ena enn natir imin ki fer avek laser ek disan. Zezi osi partaz sa mem natir-la. Li finn mor e atraver so lamor li finn detrir Satan ki ena pouvwar touy dimounn.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Lk 13:27

Li pou re-dir zot, ‘Zot tou ki komet lemal, mo pa kone kot zot sorti. Sorti devan mwa ale.’

Mt 7:23

Lerla li pou dir zot, ‘Zame mo pa finn konn zot; sorti la ale, zot ki komet lemal.’