Psom 40:16 - Nouvo Testaman Kreol Morisien Harmonisation NTPS KM

¹⁶ Bann ki vinn ver twa, donn zot lazwa ek boner! Bann ki kontan twa kouma zot Sover, pou touletan dir, “LESEGNER pli gran ki tou!”

Kreol Morisyen OT Portions

¹⁶ Bann ki vinn ver twa, donn zot lazwa ek boner! Bann ki kontan twa kouma zot Sover, pou toultan dir, “LESEGNER pli gran ki tou! “

Psom 40:16 Referans Kwoze

Psom 35:27

Bann ki dezir trouv lazistis dan mo faver ki zot kriye ar boner ek lazwa; zot pou dir ek re-dir, “LESEGNER, limem pli gran. Li trouv plezir dan boner so serviter!”

Psom 68:3

Dimounn drwat dan lazwa; zot selebre zot lazwa dan prezans Bondie, zot ranpli ar boner.

Zistwar Bann Zapot 19:17

Letan bann Zwif ek bann Grek ki ti res Efez tann sa, enn laper trap zot; lerla nom Lesegner Zezi ti glorifie.

Psom 119:123

Mo lizie ki res ouver, zot fatige rod to sekour; zot kontign rod delivrans ki to promet.

Psom 105:3

Rann glwar so sin nom! Bann ki rod LESEGNER pou dan lazwa.

Psom 22:26

Pou ena boukou manze pou bann pov; bann ki pe rod LESEGNER pou loue li. Ki LESEGNER donn zot tou boner ek prosperite pou touletan.

Psom 119:111

To bann exizans finn grave dan mo lespri pou leternite; zotmem ki met lazwa dan mo leker.

Psom 119:81

Mo epwize telman mo atann to delivrans, mo finn met mo lespwar dan to parol.

Psom 35:21

Zot ouver zot labous an gran, zot dir, “Nou kone ki to ti fer!”