Psom 4:3 - Nouvo Testaman Kreol Morisien Harmonisation NTPS KM

³ Pa bliye ki LESEGNER finn met apar pou limem dimounn ki fidel, e LESEGNER tann mwa kan mo dimann so led.

Kreol Morisyen OT Portions

³ Pa bliye ki LESEGNER finn met apar pou limem dimoun ki fidel, e LESEGNER tann mwa kan mo dimann so led.

Psom 4:3 Referans Kwoze

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Psom 34:15

LESEGNER protez bann ki dan bon sime e li ekout zot douler;

2 Pi 2:9

alor Lesegner kone ki fason pou delivre bann dimounn drwat depi zot difikilte e kouma li gard bann peser anba so pinision ziska zour zizman;

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimounn. Tou dimounn ki priy Lesegner bizin evit lemal.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

Psom 6:8

Tire ale, zot ki bann trafikan lemal! Mo SEGNER finn tann mo soufrans;

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Psom 50:5

Li dir, “Rasanble mo pep fidel; rasanble bann ki finn fer enn lalians ar mwa atraver ofrand ek sakrifis.”

Psom 31:23

Ador LESEGNER zot so bann fidel! LESEGNER protez bann krwayan; Li pini bann vantar, ki pou pey doub.

Psom 56:9

Zour mo dimann to led mo lennmi oblize kile. Mo kone ki LESEGNER li ar mwa, li lor mo kote.

Psom 49:3

Mo pou dir zot klerman parol lour ar sazes; anplis, mo leker pou exprim bann konesans profon.

Psom 62:10

Pa met konfians dan violans; pa met lespwar dan lamone kokin; mem kan larises pe ogmante pa met konfians ladan.