Psom 37:28 - Nouvo Testaman Kreol Morisien Harmonisation NTPS KM

²⁸ parski LESEGNER kontan drwatir e li pa abandonn so serviter fidel. Zot gagn so proteksion touletan me desandan move dimounn pou perdi tou.

Kreol Morisyen OT Portions

²⁸ parski LESEGNER kontan drwatir e li pa abandonn so serviter fidel. Zot gagn so proteksion toultan me desandan move dimoun pou perdi tou.

Psom 37:28 Referans Kwoze

Psom 11:7

Parski LESEGNER limem drwatir, li kontan bann aksion ki zis, bann ki viv drwat pou viv dan so prezans.

Proverb 2:22

Bann malfeter pou bizin lev pake ale; Bann tret pou gagn derasine.

Psom 21:10

Okenn zot desandan pa pou sape; zot zanfan pou efase parmi limanite.

Let Zid 1:1

Zid, serviter Zezi Kris ek so frer Zak, pe ekrir sa let-la tou bann dimounn ki finn apele par Bondie e ki viv dan lamour Bondie Papa ek anba proteksion Zezi Kris.

1 Pi 1:5

Ki pwisans Bondie gard zot dan lafwa, pou ki zot fer lexperyans delivrans ki pou revel li dan lafin letan.

1 Zn 2:19

Sa bann zans-la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

Zn 15:9

Kouma mo Papa kontan mwa, mwa osi mo kontan zot. Res dan mo lamour.

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Psom 37:40

Li ed zot, li delivre zot. Li delivre zot dan grif bann ki fer lemal, li sov zot, parski zot finn al rod sekour kot li.

Psom 99:4

O Lerwa Toupwisan, to kontan seki drwat; to finn etabli lord, drwa e zistis dan Izrael.

Psom 37:25

Aster mo vie; mo finn viv bien lontan; e zame, ou tande, zame mo finn zwenn enn fidel ki LESEGNER finn abandone; zame mo finn trouv so bann zanfan mandie dipin.