Psom 37:18 - Nouvo Testaman Kreol Morisien Harmonisation NTPS KM

¹⁸ LESEGNER konn lavi bann ki obeir li e zot pou posed sa pei-la pou touzour.

Kreol Morisyen OT Portions

¹⁸ LESEGNER konn lavi bann ki obeyir li e zot pou posed sa pei la pou touzour.

Psom 37:18 Referans Kwoze

Psom 1:6

LESEGNER protez e gid lavi dimounn ki zis, me bann ki fer move pou zwenn lapert ek lamor.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Psom 103:17

Depi touzour ziska touzour LESEGNER ena enn lamour infini pou bann ki onor li; e so fidelite pou dire pou zanfan zot zanfan;

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimounn. Tou dimounn ki priy Lesegner bizin evit lemal.

Psom 73:24

To pou gid mwa ar bon konsey e alafin to pou akeyir mwa ar boukou loner.

Psom 49:5

Kifer mo bizin trakase letan traka leve, ler mo lennmi antour mwa,

Psom 31:7

Mo selebre lazwa ek boner dan to lamour infini parski to konn mo soufrans ek traka ki pe kraz mwa.

1 Zn 2:25

Samem ki li finn promet nou: lavi eternel.

Let pou Romin 5:21

Parey kouma pese ti regne dan lamor, dan mem manier lagras regne par lazistis pou amenn lavi eternel atraver Zezi Kris, nou Segner.

Mt 6:32

Parski bann payin ki rod tousala; me zot Papa ki dan lesiel, li kone ki sa bann kiksoz ki neseser pou zot.

Psom 37:13

Sa fer LESEGNER riy zot, li kone zot pou zwenn zot lafin vit-vit.

Psom 31:15

Mo bann zour dan to lame; protez mwa kont mo lennmi; ed mwa kont seki pe persekit mwa.

Psom 21:4

Li ti dimann twa lavi e to finn donn li lavi ki dire pou touzour.

Psom 16:11

To touletan montre mwa bon sime lavi; kan to la, mo lavi ranpli ar lazwa; dan to prezans ena boner pou touzour.

Proverb 2:21

Zis bann dimounn drwat ki pou viv dan nou pei; zis bann dimounn ki lame prop, ki pou res isi.