Psom 35:27 - Nouvo Testaman Kreol Morisien Harmonisation NTPS KM

²⁷ Bann ki dezir trouv lazistis dan mo faver ki zot kriye ar boner ek lazwa; zot pou dir ek re-dir, “LESEGNER, limem pli gran. Li trouv plezir dan boner so serviter!”

Kreol Morisyen OT Portions

²⁷ Bann ki dezir trouv lazistis dan mo faver ki zot kriye ar boner ek lazwa; zot pou dir ek redir, “LESEGNER, limem pli gran. Li trouv plezir dan boner so serviter! “

Psom 35:27 Referans Kwoze

Psom 149:4

LESEGNER trouv so boner omilie so pep e li kouronn bann feb ar laviktwar.

Psom 40:16

Bann ki vinn ver twa, donn zot lazwa ek boner! Bann ki kontan twa kouma zot Sover, pou touletan dir, “LESEGNER pli gran ki tou!”

Psom 70:4

Bann ki vinn ver twa, donn zot lazwa ek boner! Bann ki kontan twa kouma zot Sover, pou touletan dir, “Bondie pli gran ki tou!”

Proverb 8:18

Mwa ki donn larises ek loner; mwa ki donn prosperite ek bann dibien ki dire.

Psom 147:11

Li prefer bann ki onor li, bann ki fer konfians so lamour infini.

1 Ko 12:26

Si enn parti soufer, tou lezot soufer ar li; si enn gagn loner, tou lezot partaz so lazwa.

Psom 142:7

Tir mwa dan mo prizon pou mo loue to grander. Bann ki obeir Bondie pou rasanble otour mwa parski to finn azir avek bonte anver mwa.

Let pou Romin 12:15

Partaz lazwa avek bann ki dan lazwa, partaz lapenn avek bann ki dan lapenn.

Zn 16:22

Aster-la zot dan lapenn me kan mo pou retrouv zot ankor, zot leker pou dan lazwa e personn pa pou kapav retir sa lazwa-la ar zot.

Psom 132:16

Mo pou anvlop so bann pret dan manto delivrans, e so pep fidel pou kriye ek sante dan lazwa.

Psom 68:3

Dimounn drwat dan lazwa; zot selebre zot lazwa dan prezans Bondie, zot ranpli ar boner.

Psom 32:11

Zot ki viv dan drwatir, dans avek lazwa dan LESEGNER! Kriye zot lazwa, zot ki ena leker drwat.

Psom 9:4

To finn defann mo drwa, finn fer zistis pou mwa; depi to tronn to donn zizman ki drwat.

Psom 132:9

Anvlop to bann pret dan manto lazistis, e ki to pep fidel kriye ar lazwa.

Psom 34:4

Mo ti dimann LESEGNER vinn ed mwa e li ti reponn, li ti balie prop tou mo bann angwas.

Psom 40:17

Mo feb ek pov, Segner, me zame to finn bliye mwa. Tomem mo sover, mo liberater, mo Bondie, pa tarde pou ed mwa!