Psom 31:15 - Nouvo Testaman Kreol Morisien Harmonisation NTPS KM

¹⁵ Mo bann zour dan to lame; protez mwa kont mo lennmi; ed mwa kont seki pe persekit mwa.

Kreol Morisyen OT Portions

¹⁵ Mo bann zour dan to lame; protez mwa kont mo ennmi; ed mwa kont seki pe persekit mwa.

Psom 31:15 Referans Kwoze

Zistwar Bann Zapot 1:7

Zezi reponn, “Zot pena pou kone ki ler ki moman, mo Papa limem finn deside.

Zn 17:1

Letan Zezi finn fini dir tousala, li lev so lizie, li get lesiel e li dir, “Papa, ler finn vini; glorifie to Garson, pou ki to Garson glorifie twa.

Zn 7:6

Lerla Zezi dir zot, “Mo ler pankor vini. Nek pou zot ki ninport ki ler enn bon ler.

Psom 142:6

Ekout mo lapriyer dezespwar, akoz mo finn afebli. Protez mwa kont mo lennmi; zot tro for pou mwa.

2 Tim 4:6

Pou mwa letan finn sone pou gran sakrifis. Mo ler finn arive pou kit sa lavi-la.

Psom 143:9

SEGNER, mo vinn ver twa pou gagn to proteksion; protez mwa kont mo lennmi.

Psom 143:3

Mo lennmi finn pourswiv mwa, finn zet mwa anba, finn kraz mwa. Mo lennmi finn anfons mwa dan lobskirite parey dimounn ki finn mor lontan.

2 Pi 1:14

Mo kone ki mo pou mor biento, parski Lesegner Zezi Kris finn fer mwa enn revelasion lor-la.

Zistwar Bann Zapot 27:24

‘Pa per, Pol; to bizin pas devan Sezar, ek Bondie dan so bonte finn donn twa ek tou bann ki vwayaz ar twa zot lavi sov.’

Zn 13:1

Avan fet Pak, kan Zezi trouve ki so ler finn vini pou kit sa later-la pou al rezwenn so Papa, kouma li ti kontan bann ki ti pe swiv li lor later, li kontign kontan zot ziska lafin.

Zn 12:27

“Aster mo santi mwa boulverse; me ki mo pou dir, ‘Papa sap mwa ladan?’ Me akoz samem mo finn vini.”

Zn 7:30

Bann-la ti pe rod trap li me personn pa ti met lame lor li parski so ler pa ti ankor vini.

Lk 9:51

Letan ler ti pe arive kot Zezi pou kit lemond, li ti met latet devan pou mont Zerizalem.

Psom 143:12

Parski to kontan mwa, detrir mo lennmi e detrir mo bann adverser, akoz mo to serviter.

Psom 116:15

LESEGNER resanti douler, kan so bann fidel mor.

Psom 17:13

O SEGNER, lev twa! Dibout divan zot, ranvers zot! Servi to lepe kont move dimounn pou sap mo lavi.

Zistwar Bann Zapot 23:11

Aswar Lesegner vinn dibout kot Pol e li dir li, “Pran kouraz! Parey kouma to finn rann temwaniaz lor mwa dan Zerizalem, koumsa mem to pou fer dan Rom.”

Psom 25:2

Mo Bondie, mo met mo konfians an twa. Pa les mwa gagn laont; pa les mo lennmi gagn laviktwar lor mwa.

Psom 91:2

li kapav dir LESEGNER, “Tomem mo labri ek mo fortres. Tomem mo Bondie ki mo fer konfians.”

Psom 140:7

Twa SEGNER, mo Segner, lafors ki sov mwa, to finn protez mo latet pandan konba.