Psom 31:14 - Nouvo Testaman Kreol Morisien Harmonisation NTPS KM

¹⁴ Me mo met tou mo konfians an twa, O SEGNER; mo dir, “Twa ki mo Bondie.”

Kreol Morisyen OT Portions

¹⁴ Me mo met tou mo konfians an twa, O SEGNER; mo dir, “Twa ki mo Bondie. “

Psom 31:14 Referans Kwoze

Psom 18:2

LESEGNER, limem mo sitadel, mo veritab fortres, mo liberater, mo Bondie, sitadel kot mo santi mwa an sekirite, boukliye ki protez mwa, ki defann mwa, ki sov mwa.

Psom 43:5

Kifer mo tris koumsa? Kifer traka touf mwa? Mo bizin met mo lesperans dan Bondie e kontinie loue li, mo Sover e mo Bondie.

Mt 26:42

Enn deziem fwa, li al pli lwin e li priye, “Papa, si li pa posib ki sa koup la res lwin ar mwa e ki mo bizin bwar li, mo pou touzour fer dapre to volonte.”

Psom 140:6

Mo dir LESEGNER, “Tomem mo Bondie!” Ekout mo lapriyer, SEGNER, mo pe sipliye!

Mt 26:39

Li al inpe pli lwin, li tom azenou, so fron tous later e li priye, “Papa, si li posib, met sa koup-la lwin ar mwa, selman pa kouma mo oule me fer kouma twa to oule.”

Psom 63:1

Bondie, tomem mo Bondie, kouma soley leve, mo leker rod twa. Mo dezir to prezans. Mo lekor an-antie ena swaf to prezans; kouma later desese rod dilo.

Psom 71:22

Mo pou sant to louanz ar laarp; mo pou sant to fidelite, mo Bondie. Ar mo sitar mo pou sant to louanz, Bondie ki Sin, ki Izrael adore.

Psom 71:12

Bondie, pa res lwin ar mwa. Mo Bondie, vit-vit vinn ed mwa.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Mt 27:46

Ver trwa-z-er, Zezi kriye bien-bien for, “Eli, Eli, la-ma sabaktani”. Seki vedir, “Bondie, Bondie, kifer to finn abandonn mwa?”