Psom 27:5 - Nouvo Testaman Kreol Morisien Harmonisation NTPS KM

⁵ Kan letan dir vini li pou gard mwa an sekirite dan so Tanp; li pou kasiet mwa anba so latant; li pou plas mwa an sekirite dan enn landrwa bien ot.

Kreol Morisyen OT Portions

⁵ Kan letan dir vini li pou gard mwa ansekirite dan so Tanp; li pou kasiet mwa anba so latant; li pou plas mwa ansekirite dan enn landrwa bien ot.

Psom 27:5 Referans Kwoze

Proverb 18:10

LESEGNER, li kouma enn latour bien solid; kot li, bon dimounn gagn lape ek sekirite.

Psom 31:20

To prezans garanti zot sekirite e anpes zot tom dan piez bann maniganser; dan labri kot to finn kasiet zot, insilt zot lennmi pa pe reisi fer zot dimal.

Psom 138:7

Si mo mars dan ladetres, to fer mwa reviv. To protez mwa kont lennmi redoutab e to pouvwar sov mwa.

Psom 91:1

Ninport kisann-la ki ena proteksion Bondie Pli Lao, ninport kisann-la ki res dan lonbraz Bondie Toupwisan,

Psom 119:114

Tomem mo protekter, mo sover; mo fer konfians to parol.

Psom 50:15

Kan zot dan dife, apel mwa e mo pou vinn sov zot. Lerla zot sant mo louanz.”

Psom 40:2

Li ti tir mwa depi dan trou lamor; fer mwa sap dan marekaz san fon, li ti poz mo lipie lor enn baz solid, danze napa koste, la kot mo marse.

Let pou Kolosien 3:3

Zot finn mor e zot lavi finn kasiet avek Lekris dan Bondie.

Psom 17:8

Protez mwa kouma trezor pli presie devan to lizie; kasiet mwa dan lonbraz to lezel

Psom 46:1

Bondie, limem nou protekter, lasours nou lafors; kan difikilte pe kraze partou Li touzour la pou ed nou.

Psom 91:15

Kan zot dimann led, zot pou gagne; kan zot dan detres, mo pou soutenir zot. Mo pou sov zot, mo pou onor zot.

Psom 57:1

Pran pitie, Bondie, pran pitie. Mo vinn rod proteksion kot twa. Anba to lezel mo an sekirite ziska ki maler kouma siklonn pase.

Psom 61:2

Depi dan bout later mo kriye twa, mo dekouraze, mo dezespere. Kondir mwa lao, dan enn oter, ki tro ot pou mwa.

Psom 18:33

Kouma serf dan kaskad ek lor montagn li montre mwa galoupe san tonbe.

Psom 83:3

Zot pe konplote kont to pep; zot pe prepare an sekre kont bann zanfan ki to bien kontan.

Psom 77:2

Kan lavi pa fasil mo priye e rod sekour Lesegner; tout lanwit mo lev lame lao pou priye; me mo pa gagn rekonfor.

Psom 10:1

Kifer to res lwin ar nou, SEGNER? Kifer pa trouv twa dan moman detres?

Mt 23:37

“Zerizalem, Zerizalem, twa ki touy to bann profet kout ros! Komie fwa mo finn anvi rasanble to bann zanfan kouma enn mama poul rasanble so bann piti anba so lezel, me to pa finn anvi!

Psom 31:21

Tou louanz pou LESEGNER! Li merveye, manier li ti donn mwa so lamour infini ler lennmi ti pe anserkle mwa pou atake!

Psom 40:3

Li ti montre mwa enn nouvo sante; montre mwa sant louanz Bondie. Boukou pou konpran, pou montre respe, e pou met zot konfians dan LESEGNER.

Psom 61:3

Tomem mo protekter, enn latour solid kont mo adverser.