Psom 26:3 - Nouvo Testaman Kreol Morisien Harmonisation NTPS KM

³ To lamour infini gid mo pa, to fidelite diriz mo lavi.

Kreol Morisyen OT Portions

³ To lamour infini gid mo pa, to fidelite diriz mo lavi.

Psom 26:3 Referans Kwoze

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

2 Zn 1:4

Sa finn fer mwa enn gran lazwa pou trouv inpe parmi to bann zanfan pe mars dan laverite parey kouma Bondie Papa inn komann nou.

Ef 4:32

Zot bizin ena bonte ek boukou lafeksion pou lezot; pardonn zot prosin kouma Bondie finn pardonn zot par Lekris.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pou ki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Lk 6:36

Montre enn leker ranpli ar mizerikord parey kouma Bondie zot Papa.”

Psom 119:142

To drwatir li eternel e to lalwa li laverite pou touletan.

Psom 101:2

Mo pou viv enn lavi san fot. Kan to pou vinn ver mwa? Mo pou viv enn lavi prop san repros dan lakaz kot mo gouverne.

Psom 86:11

SEGNER, aprann mwa ki bizin fer e mo pou swiv to laverite, montre mwa kouma servi twa ar devouman e mo pou ena gran respe pou to nom.

Psom 52:1

Kifer to fer vantar, gran misie? Enn zourne to vantar mem lor bann mesanste.

Psom 25:5

Gid mwa dan to laverite e ansegn mwa parski tomem Bondie ki sov mwa. Mo kont lor twa toulezour mo lavi.

3 Zn 1:11

Kamarad, pa bizin imit seki mal me imit seki bien. Dimounn ki fer dibien li avek Bondie; dimounn ki fer lemal li pa konn Bondie.