Psom 25:14 - Nouvo Testaman Kreol Morisien Harmonisation NTPS KM

¹⁴ LESEGNER ena lamitie pou seki obeir li e li konfirm so lalians ar so bann fidel.

Kreol Morisyen OT Portions

¹⁴ LESEGNER ena lamitie pou seki obeyir li e li konfirm so lalians ar so bann fidel.

Psom 25:14 Referans Kwoze

Zn 15:15

Mo nepli apel zot serviter, parski enn serviter pa kone ki so met fer; mo apel zot kamarad, parski tou seki mo finn tande kot mo Papa, mo finn fer zot kone.

Zn 7:17

Dimounn ki anvi fer volonte Bondie pou kone si mo lansegnman sorti kot Bondie oubien si mo pe koz dapre mo prop lide.

Ef 1:9

Li finn fer nou konn mister so volonte, so plan ki li ti finn deside davans dapre so bon plezir pou realize par Lekris.

1 Ko 2:14

Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Revelasion 2:17

Si zot ena zorey, ekout seki Lespri ena pou dir bann Legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom-la, exsepte sa dimounn ki resevwar li la.”

Zn 17:6

Mo finn fer tou dimounn ki to finn donn mwa lor later, konn to nom; zot ti pou twa, to finn donn mwa zot tou e zot finn gard to Parol.

Zn 14:17

Limem Lespri laverite. Lemond pa kapav resevwar li parski li pa trouv li e pa konn li. Zot, zot konn li parski li res ar zot e li dan milie zot.

Proverb 3:32

LESEGNER deteste bann move dimounn, me li estim bann ki onet.

Let pou Kolosien 3:3

Zot finn mor e zot lavi finn kasiet avek Lekris dan Bondie.