Psom 24:3 - Nouvo Testaman Kreol Morisien Harmonisation NTPS KM

³ Kisann-la gagn drwa mont lor montagn LESEGNER? Kisann-la gagn drwa rant dan so Tanp sakre?

Kreol Morisyen OT Portions

³ Kisannla gagn drwa mont lor montagn LESEGNER? Kisannla gagn drwa rant dan so Tanp sakre?

Psom 24:3 Referans Kwoze

Psom 15:1

SEGNER, kisann-la gagn drwa rant dan to Tanp? Kisann-la gagn drwa viv lor Sion, to Montagn Sakre?

Eb 12:28

Alor, anou montre nou rekonesans, parski nou resevwar enn rwayom ki pa tranble. Anou ador Bondie avek reverans ek lakrint;

Psom 65:4

Bienere seki to finn swazir, seki to finn akeyir dan to sanktier. Nou pou rasazie ar bon kiksoz dan to lakaz, ki nou gagne dan to Tanp sakre.

Psom 2:6

Li dir zot, “Mwa ki finn swazir mo lerwa, mo finn instal li lor Sion, montagn sakre.”

Psom 68:18

To mont dan oter; to ti amenn bann prizonie ar twa; to resevwar don bann dimounn, mem bann ki rebel kont twa, SEGNER Bondie.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Zn 13:36

Simon Pier demande, “Segner, kot to pe ale?” Zezi reponn li, “La kot mo pe ale, to pa pou kapav swiv mwa aster-la, pli tar to pou swiv mwa.”