Psom 22:23 - Nouvo Testaman Kreol Morisien Harmonisation NTPS KM

²³ Zot tou ki respekte ek ador LESEGNER, donn li laglwar! Zot tou desandan Zakob, donn li tou loner! Zot tou pep Izrael, ador li avek reverans!

Kreol Morisyen OT Portions

²³ Zot tou ki respekte ek ador LESEGNER, donn li laglwar! Zot tou desandan Zakob, donn li tou loner! Zot tou pep Izrael, ador li avek reverans!

Psom 22:23 Referans Kwoze

Revelasion 15:4

Segner, kisann-la pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Lk 1:50

Li montre so mizerikord pou dimounn ki onor li, zenerasion apre zenerasion.

Psom 115:11

Zot tou ki respekte LESEGNER, met zot konfians dan LESEGNER. Limem zot protekter ek zot sekour.

Psom 50:23

Mo bizin zis zot rekonesans. Sel sakrifis ki ena valer pou mwa. Obeir mwa e mo pou sov zot.”

1 Ko 10:31

Kan zot manze, kan zot bwar, kan zot fer ninport ki kiksoz, touletan fer li pou laglwar Bondie.

Lk 2:20

Lerla bann berze retourne; zot glorifie ek loue Bondie pou tou seki zot finn tande ek trouve parey kouma ti dir zot.

Psom 145:19

Bann ki onor li gagn seki zot bizin; li tann zot soufrans e li sov zot.

Psom 115:13

Li pou beni tou dimounn ki respekte li, ti-dimounn kouma gran-dimounn.

Psom 106:5

Mo ti'a kontan trouv prosperite to pep e partaz lazwa ek boner lepep Bondie, e partaz fierte lepep ki apartenir a twa.

Psom 86:12

Mo pou sant to grander ar sinserite, O Segner mo Bondie; mo pou glorifie to nom pou touzour.

Psom 33:8

Later antie bizin ador LESEGNER! Tou bann abitan dan lemond bizin ena gran respe divan li!

Psom 22:30

Zenerasion fitir pou servi li; enn zenerasion pou rakont enn lot grander nou Segner.

Psom 26:12

Mo lipie repoz lor fondasion solid; dan bann gran lasanble mo pou loue LESEGNER.

Psom 35:18

Mo pou remersie twa dan gran lasanble; mo pou dir to louanz omilie lafoul.

Psom 109:30

Mo pou dir LESEGNER mersi for-for; mo pou koz so grander dan lasanble lepep

Psom 111:1

Alelouya, nou sant louanz LESEGNER! Depi profonder mo leker mo pou dir LESEGNER mersi dan lasanble bann fidel, divan tou dimounn.