Psom 2:12 - Nouvo Testaman Kreol Morisien Harmonisation NTPS KM

¹² Met zot azenou divan li. Pa bliye so lakoler anflame vit e zot kapav zwenn lamor lor sime. Bienere tou dimounn ki mars ar li e ki gagn so proteksion.

Kreol Morisyen OT Portions

¹² Met zot azenou divan li. Pa bliye so lakoler anflame vit e zot kapav zwenn lamor lor sime. Bienere tou dimoun ki mars ar li e ki gagn so proteksion.

Psom 2:12 Referans Kwoze

Psom 40:4

Bienere bann ki fer konfians LESEGNER, zot ki rezet idolatri ou ki refiz swiv bann fos bondie.

Zn 5:23

pou ki tou dimounn onor so Garson, parey kouma zot onor Papa-la. Dimounn ki pa onor Garson-la, pa onor so Papa ki finn avoy Li.

Psom 84:12

SEGNER Toupwisan, nou leker ranpli ar lazwa parski nou finn met nou konfians an twa.

Psom 34:8

Goute e gete kouma LESEGNER li bon. Bienere bann ki swazir so proteksion.

Proverb 16:20

Pran bien kont seki finn montre twa, to pou konn sikse; fer LESEGNER konfians, to pou ere.

1 Pi 2:6

Parey kouma Lekritir dir “Ala mo met dan Sion enn ros inportan, enn ros ki ena bien gran valer; seki krwar dan li pa pou perdi sime.”

Ef 1:12

pou nou loue so grander, nou ki ti bann premie pou met nou lesperans dan Lekris.

Let pou Romin 9:33

kouma finn ekrir: “Gete, mo finn plas enn ros dan Sion ki pou fer dimounn kogne, enn ros ki pou fer zot tonbe. Me ninport kisann-la ki krwar dan li pa pou tom dan laont.”

Psom 2:5

Li averti zot dan so gran lakoler, e laflam so lakoler fer zot tranble.

Psom 1:6

LESEGNER protez e gid lavi dimounn ki zis, me bann ki fer move pou zwenn lapert ek lamor.

Psom 2:7

Lerwa dir, “Les mo anons zot deklarasion LESEGNER. Li finn dir mwa, ‘Zordi, zour to kouronnman, to finn vinn mo garson e mwa mo finn vinn to Papa.

Let pou Romin 10:11

Kouma Lekritir dir, “Seki krwar dan li pa pou konn dezoner.”

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pou ki zot lafwa ek zot lesperans repoz dan Bondie.

Psom 31:20

To prezans garanti zot sekirite e anpes zot tom dan piez bann maniganser; dan labri kot to finn kasiet zot, insilt zot lennmi pa pe reisi fer zot dimal.

Psom 34:9

Zot tou zot bizin onor LESEGNER parski bann ki obeir so instriksion zame pa pou mank nanye.

Psom 109:20

SEGNER, koumsa ki to bizin pini mo lennmi; koumsa to bizin pini bann ki fer mwa ditor.