Psom 19:8 - Nouvo Testaman Kreol Morisien Harmonisation NTPS KM

⁸ Instriksion LESEGNER li drwat ek zis, li ranpli leker ar lazwa. Komannman LESEGNER bien kler li ouver nou lizie.

Kreol Morisyen OT Portions

⁸ Instriksion LESEGNER li drwat ek zis, li ranpli leker ar lazwa. Komandman LESEGNER bien kler li ouver nou lizie.

Psom 19:8 Referans Kwoze

Psom 12:6

Nou fer konfians promes LESEGNER, so parol kler ek prop kouma larzan, enn metal presie ki finn pirifie set fwa dan dife laforz.

Psom 119:105

To lalwa li enn lalanp ki ekler mo sime; enn far ki diriz mwa dan marenwar.

Proverb 30:5

Tou seki Bondie dir, li vre; li enn boukliye pou dimounn ki rod so sekour.

Psom 119:128

Alor san ezite mo swiv tou to bann instriksion e mo deteste larout mansonz.

Proverb 2:6

Parski LESEGNER, limem lasours lasazes, so parol donn konesans ek disernman.

Psom 119:92

Si to lalwa pa ti lasours mo lazwa depi lontan mo douler ti pou fini touy mwa.

Psom 119:80

Ed mwa pou respekte to lansegnman kouma bizin pou anpes mwa sibir imiliasion dan defet.

Proverb 6:23

Bann komannman-la kouma enn lalanp dan marenwar; bann lansegnman-la kouma enn lalimier dan lobskirite. Bann repros ek disiplinn pou ouver sime lavi pou twa.

Let pou Romin 7:22

Dan mo leker mo pran plezir dan lalwa Bondie.

Ga 2:19

Dapre seki konsern lalwa, mo deza enn mor, enn lamor provoke par mem lalwa, pou ki mo kapav viv pou Bondie. Mo finn krisifie lor lakrwa avek Kris;

Let pou Romin 3:20

Koumsa personn pa trouv li zistifie devan Bondie parski li finn obzerv lalwa. Lalwa nek zis fer dimounn pran konsians ki pese ete.

Let pou Romin 7:7

Ki nou kapav dir alor? Eski nou pou dir ki lalwa pese? Pena sime! Mo pa ti pou kone ki savedir pese si pa ti ena lalwa. Mo pa ti pou kone ki savedir konvwatiz si lalwa pa ti dir, “Pa dezir kiksoz lezot dimounn.”

Psom 119:16

To bann lalwa donn mwa satisfaksion; to parol finn grave dan mo memwar.

Psom 119:14

Mo ena boukou lazwa kan mo obeir to komannman plis ki lazwa ki enn dimounn ena ki posed enn rises enorm.

Psom 119:171

Mo pou sant to louanz parski to ansegn mwa to regleman.

Psom 119:143

Traka ek tourman trangle mo lexistans me to lalwa ranpli mo leker ar lazwa.

Psom 119:130

Kan dimounn dekouver to parol sa li ekler zot lavi e bann inioran trouv lizour.

Psom 119:121

Mo finn fer tou seki mo krwar bon ek korek; pa abandonn mwa dan grif bann opreser.

Psom 119:40

Mo dezir ekout to lord; par to drwatir fer mwa reviv.

Psom 119:12

Mo sant to louanz O SEGNER; montre mwa to regleman.

Psom 105:45

Koumsa li ti sir ki so pep ti pou gard so komannman, e pou rapel so bann lalwa. Alelouya, nou sant louanz LESEGNER!

Psom 40:8

Mo ena boukou plezir obeir to volonte, Bondie. Mo finn grav to lalwa dan mo leker.”

Psom 13:3

O SEGNER mo Bondie, reponn mo lapel! Refer mo lizie briye ar lasante; sinon zot pou ferme ar somey lamor;

Ga 3:21

Eski lalwa li kont promes Bondie? Pa ditou! Parski si donn enn lalwa ki ena pouvwar donn lavi, alor bien sir kapav vinn zis devan lizie Bondie par lalwa.

Psom 119:54

Ninport ki kote mo viv kouma enn etranze lor later mo konpoz kantik pou sant to bann lansegnman.

Psom 119:24

To leson donn mwa plezir; zot bann konseye ki ouver mo lespri.

Psom 93:5

To lalwa li eternel, SEGNER! To Tanp li sakre pou leternite!

Psom 111:7

Tou seki li fer, gouverne par fidelite ek lazistis; kapav fer konfians so bann instriksion.