Psom 17:15 - Nouvo Testaman Kreol Morisien Harmonisation NTPS KM

¹⁵ Mwa, akoz lazistis, mo pou trouv twa divan mwa; e kan soley leve, to prezans ranpli mwa ar lazwa.

Kreol Morisyen OT Portions

¹⁵ Mwa, akoz lazistis, mo pou trouv twa divan mwa; e kan soley leve, to prezans ranpli mwa ar lazwa.

Psom 17:15 Referans Kwoze

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pou ki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

Mt 5:6

Bienere zot ki fin ek swaf lazistis, zot dezir pou exose.

Psom 11:7

Parski LESEGNER limem drwatir, li kontan bann aksion ki zis, bann ki viv drwat pou viv dan so prezans.

Psom 16:11

To touletan montre mwa bon sime lavi; kan to la, mo lavi ranpli ar lazwa; dan to prezans ena boner pou touzour.

Let pou Filipien 3:21

Gras-a so pwisans ki kapav kontrol tou kiksoz, li pou transform nou lekor mortel pou rann li parey kouma so lekor glorifie.

Psom 65:4

Bienere seki to finn swazir, seki to finn akeyir dan to sanktier. Nou pou rasazie ar bon kiksoz dan to lakaz, ki nou gagne dan to Tanp sakre.

Revelasion 21:23

Lavil-la pa ti bizin soley ouswa lalinn pou ekler li. Laglwar Bondie so lalimier e Agno Bondie so flanbo.

Psom 119:111

To bann exizans finn grave dan mo lespri pou leternite; zotmem ki met lazwa dan mo leker.

Psom 49:14

Zot al ver lamor kouma mouton. Lamor pou diriz zot kouma zot berze. Bann vantar koumsa desann dan trou lamor lor vites e laba zimaz ki zot ti ena li disparet, lemond lamor ki vinn zot lakaz.

Psom 5:7

Akoz labondans to gran lamour infini mo pou kapav rant dan to lakaz, bes mo latet dan direksion to Tanp sakre, e avek gran respe mo pou azenou.