Psom 17:14 - Nouvo Testaman Kreol Morisien Harmonisation NTPS KM

¹⁴ Protez mwa kont sa kalite dimounn la, ki rasazie ar ramas dibien olie fer lebien; fer ki zot zanfan ek ti zanfan ranpli zot vant ziska zot rasazie.

Kreol Morisyen OT Portions

¹⁴ Protez mwa kont sa kalite dimoun la, ki rasazie ar ramas dibien olie fer lebien; fer ki zot zanfan ek tizanfan ranpli zot vant ziska zot rasazie.

Psom 17:14 Referans Kwoze

Zn 17:14

Mo finn konfie zot to Parol me lemond deteste zot parski zot pa dan lemond parey kouma mwa, mo pa dan lemond.

Zn 15:19

Si zot ti viv pou lemond, lerla lemond ti pou konsider zot kouma so prop zanfan; me zot pa pou lemond; mwa, mo finn swazir zot, mo finn tir zot dan lemond. Akoz samem lemond ayir zot.

Zn 8:23

Li dir zot, “Zot finn pran zot lorizinn lor later, mwa mo lorizinn lao; zot lonbri atase ar sa lemond-la, mwa mo pa atase.

Lk 16:25

Me Abraam dir, ‘Mo garson, rapel bien ki dan to lavi lor later to ti dan bien, alor ki Lazar ti gagn boukou maler; me aster-la li dan bien isi, e twa to dan soufrans.

Lk 16:8

Patron-la felisit sef kontab malonet la parski li ti debrouyar. Bann zanfan lemond pli debrouyar ki zanfan lalimier kan ena pou dres papie pou tras zot lavi.

Let Zak 5:5

Lor later zot finn viv enn lavi konfortab, dan lix ek plezir. Zot finn angres zot kouma bann zanimo pou labousri.

Psom 73:12

Ala kouma bann dan lemal ete. Trankil-trankil zot pe ogmant zot rises.

Psom 39:6

dimounn ale vini kouma enn lonbraz. Tou seki nou fer pa vo nanye; nou ramas enn fortinn me pa kone kisann-la pou erite.

Mt 13:44

“Rwayom lesiel, parey kouma enn trezor ki finn kasiet dan enn karo. Ler kikenn dekouver li, li re-kasiet li; li telman kontan ki li vann tou seki li ena e li al aste sa karo-la.”

Proverb 2:4

Mo zanfan, rod lasazes kouma larzan, resers li kouma enn trezor.