Psom 16:5 - Nouvo Testaman Kreol Morisien Harmonisation NTPS KM

⁵ SEGNER, tomem mo pli gran partaz, mo destin; mo lavenir an sekirite dan to lame.

Kreol Morisyen OT Portions

⁵ SEGNER, tomem mo pli gran partaz, mo destin; mo lavenir ansekirite dan to lame.

Psom 16:5 Referans Kwoze

Psom 73:26

Mo lekor ek mo lespri kapav febli me mo vre lafors se mo Bondie. Apart li, mo trezor eternel, mo pa bizin personn.

Psom 142:5

SEGNER, mo sipliy twa vinn ed mwa. Mo dir twa, “Tomem mo protekter; tomem mo trezor lor later bann vivan.”

Psom 23:5

To dres latab pou mwa divan mo bann adverser. To vers delwil parfime lor mo latet pou resevwar mwa ar loner, e to plin mo koup ziska li deborde.

Psom 119:57

Mo pa bizin nanye apart twa, O SEGNER; mo fer serman mo pou obeir to parol.

Psom 89:4

"Lor tronn pou ena touletan to desandan; dinasti David pou dire eternelman.”

Psom 116:13

Mo pou prezant enn lofrand divin, dan koup delivrans e mo apel LESEGNER par so nom pou dir mersi.

Psom 9:4

To finn defann mo drwa, finn fer zistis pou mwa; depi to tronn to donn zizman ki drwat.

Zistwar Bann Zapot 5:31

Bondie, par so pwisans, finn lev li lao kouma Sef ek Sover pou ki li donn Izrael lokazion repanti, e ki li pardonn zot pese.

Psom 132:11

LESEGNER ti fer enn promes ar David, promes ki li pa pou renie: “Enn to bann garson pou vinn lerwa e li pou regne apre twa.

Psom 2:6

Li dir zot, “Mwa ki finn swazir mo lerwa, mo finn instal li lor Sion, montagn sakre.”

1 Ko 15:25

Li bizin regne ziska ki li met tou so bann lennmi anba so lipie.

Psom 125:3

Bann dirizan ki swiv lemal pa pou ena pouvwar touletan dan pei ki apartenir ar bann ki viv ladrwatir, sinon dimounn ki drwat pou tranp so lame dan lemal, dan krim.

Psom 11:6

Lor bann move dimounn li pou vers labrez ek souf anflame; enn labriz kouma dife, samem ki li pou gard pou zot.

Ef 5:18

Pa nek soul zotmem ar divin, sa pou amenn dezord dan zot lavi; me ki Lespri ranpli zot.

Zistwar Bann Zapot 2:32

Bondie ti resisit Zezi depi lamor e nou bann temwin ki sa ti arive.