Psom 145:1 - Nouvo Testaman Kreol Morisien Harmonisation NTPS KM

¹ Mo pou proklam to grander O Bondie, mo Lerwa; mo pou loue twa aster, pli divan, touletan.

Kreol Morisyen OT Portions

¹ Mo pou proklam to grander O Bondie, mo Lerwa; mo pou loue twa aster, pli divan, toultan.

Psom 145:1 Referans Kwoze

Psom 45:6

Rwayom ki Bondie finn donn ou li pou regne pou touletan. Ou diriz ou pep dan lazistis;

Psom 30:12

pou ki mo leker loue twa, e pa gard silans! Bizin sant to grander. SEGNER, twa ki mo Bondie, mo pa pou aret dir twa mersi.

Psom 34:1

Touletan mo pou remersie LESEGNER; zame mo pa pou aret sant so louanz.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Psom 45:1

Mo leker deborde ar zoli parol ler mo konpoz sa poem-la pou mo lerwa. Parol poetik koule kouma lank dan plim enn ekrivin ki konn so metie.

Psom 44:4

Tomem mo lerwa e mo Bondie; se twa ki donn laviktwar to pep;

Psom 30:1

Mo proklam to grander, SEGNER, parski to finn sov mwa e to finn anpes mo lennmi imilie mwa.

Revelasion 19:16

Lor so linz ek lor so lazam ena enn nom ki finn ekrir: “Lerwa bann lerwa, Segner bann segner.”

Psom 149:2

Izrael, exprim to boner akoz to Kreater; pep Sion, montre zot lazwa, selebre zot Lerwa.

Psom 145:21

Mo pou touletan loue LESEGNER; tou kreatir ki li finn kree pou loue so sin nom aster, taler, pli divan ek touletan.

Psom 100:1

Liniver antie, sant for zot lazwa pou LESEGNER!

Psom 95:3

LESEGNER li Bondie ki pwisan; limem pli gran Lerwa ki lao tou ti-bondie.

Psom 68:4

Sant louanz Bondie; ar bann kantik prepar so larive; pa bliye ki li vwayaz lor enn niaz. So nom: LESEGNER anou selebre nou lazwa divan li.

Psom 52:9

Bondie, mo pou touzour dir twa mersi pou tou seki to finn fer; dan lasanble bann fidel mo proklam to grander parski to vreman bon.

Psom 5:2

Twa mo Bondie, mo Lerwa, ekout mwa kan mo kriye twa, se twa ki mo priye.

Psom 5:3

SEGNER, boner gramatin to tann mo lavwa; kouma soley leve mo prepar tou pou twa e lerla mo atann.

Psom 30:2

O SEGNER, mo Bondie, mo ti kriye osekour e to ti geri mwa;

Psom 75:9

Mwa mo pa pou aret koz lor grander Bondie ki Zakob ti adore; mo pa pou aret sant so louanz.

Psom 96:2

Nou sant pou LESEGNER; anou sant so louanz. Toulezour nou anonse ki limem nou Sover.

Psom 118:28

Tomem mo Bondie, mo sant to louanz. Tomem mo Bondie, mo pou proklam to grander.

Psom 146:2

Mo pou sant louanz LESEGNER tanki mo ena lavi; mo pou loue mo Bondie ziska lafin mo lavi.