Psom 143:7 - Nouvo Testaman Kreol Morisien Harmonisation NTPS KM

⁷ Exos mo lapriyer, SEGNER! Mo finn perdi lespwar. Pa get lot kote, SEGNER; si to pa pran mwa kont, mo pou fini dan trou lamor.

Kreol Morisyen OT Portions

⁷ Ekzos mo lapriyer, SEGNER! Lespwar pe koul dan fon. Pa get lot kote, SEGNER; si to pa pran mwa kont, mo pou fini dan trou lamor.

Psom 143:7 Referans Kwoze

Psom 69:17

Pa kasiet to figir, get to serviter, mo dan gran lapenn, reponn mwa!

Psom 28:1

Ver twa, SEGNER, mo apel osekour! Tomem mo sitadel, pa refiz ekout mwa. Si to gard silans mo pou kouma bann ki desann dan trou lamor.

Psom 27:9

Pa tourn to ledo ar mwa! Pa abandonn to serviter fidel avek koler; to finn touletan soutenir mwa; pa rezet mwa, pa abandonn mwa, Bondie mo Sover.

Psom 71:12

Bondie, pa res lwin ar mwa. Mo Bondie, vit-vit vinn ed mwa.

Psom 102:2

Kan mo bizin led, pa vir to ledo kan mo dan detres; ekout mo lapriyer, pa tarde pou reponn mwa.

Psom 69:3

Mo finn fatige kriye osekour e mo lagorz sek ek amare. Mo lizie finn vinn feb afors mo pe atann Bondie.

Lk 21:26

Dimounn pou tom sek telman zot gagn per letan zot mazinn seki pe vinn lor later; bann pwisans dan lesiel pou tranble.

Psom 70:5

Mwa mo feb ek pov; donn mwa to sekour Bondie! Tomem mo sekour, mo liberater; SEGNER, pa tarde pou ed mwa!

Psom 40:17

Mo feb ek pov, Segner, me zame to finn bliye mwa. Tomem mo sover, mo liberater, mo Bondie, pa tarde pou ed mwa!

Psom 22:24

Li pa abandonn ni mepriz bann malere; zame li pa bliye zot douler. Li pa detourn so regar, li touletan reponn lapel dimounn pov ki dimann led.

Psom 84:2

Mo pli gran dezir se viv ladan; viv ansam ar twa dan to Tanp, SEGNER. Mo lekor ek mo lespri ki dan lazwa sant ver Bondie vivan.

Psom 69:18

Koste pre ar mwa, sov mwa, liber mwa, mo ena lennmi.

Proverb 13:12

Kan lespwar tom dan dilo, leker fermal; me kan enn rev realize, leker zwaye.