Psom 138:7 - Nouvo Testaman Kreol Morisien Harmonisation NTPS KM

⁷ Si mo mars dan ladetres, to fer mwa reviv. To protez mwa kont lennmi redoutab e to pouvwar sov mwa.

Kreol Morisyen OT Portions

⁷ Si mo mars dan ladetres, to fer mwa reviv. To protez mwa kont ennmi redoutab e to pouvwar sov mwa.

Psom 138:7 Referans Kwoze

Psom 85:6

To pa pou re-donn nou lavi, pou ki to pep retrouv so lazwa an twa?

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann seki zot pe trouve ek tande.

Psom 60:5

Servi to pouvwar pou sov nou; exos nou lapriyer pou ki pep ki to kontan gagn delivrans.

Psom 17:7

Montre mwa to gran lamour fidel, twa ki ofer proteksion bann ki rod sekour kot twa; zot sap dan lame bann agreser.

Psom 77:10

Apre mo dir momem, “Seki fer mwa plis dimal se kikfwa Bondie Pli Lao nepli servi so pouvwar dan nou faver.”

Psom 44:3

Pa kapav dir ki to pep ti gagn pei ar lafors zot lepe; zot pa ti gagne akoz zot larme ti for. Zot ti gagne gras-a to pwisans ek to lafors; zot ti gagne par lalimier to prezans, parski to kontan zot.

Psom 18:35

To finn donn mwa to boukliye ki sov mwa; to lame drwat finn soutenir mwa; to bonte finn rann mwa for.

Psom 56:9

Zour mo dimann to led mo lennmi oblize kile. Mo kone ki LESEGNER li ar mwa, li lor mo kote.

Psom 20:6

Mo sir aster ki LESEGNER pou donn laviktwar so lerwa ki li finn konsakre; Bondie pou reponn lerwa depi so sanktier dan lesiel e par so pwisans pou donn li laviktwar.

Psom 18:17

Li ti liber mwa, kas mo lasenn, parski mo lennmi ti tro for, mo adverser tro pwisan.

Psom 18:18

Zot ti profit mo maler pou atak mwa me LESEGNER ti vinn defann mwa.