Psom 133:3 - Nouvo Testaman Kreol Morisien Harmonisation NTPS KM

³ Li osi parey kouma laroze Montagn Ermon ki desann lor kolinn Sion. Laba mem LESEGNER finn promet so benediksion: lavi pou touzour.

Kreol Morisyen OT Portions

³ Li osi parey kouma laroze Montagn Ermon ki desann lor kolinn Sion. Labamem LESEGNER finn promet so benediksion: lavi pou touzour.

Psom 133:3 Referans Kwoze

Psom 42:8

Lizour LESEGNER donn mwa so lamour infini touletan pou ki aswar mo kapav sant louanz mo Bondie e priye li, limem mo lavi.

1 Zn 5:11

Ala temwaniaz-la: Bondie finn donn nou lavi eternel, e sa lavi-la li trouv dan so Garson.

Let pou Romin 5:21

Parey kouma pese ti regne dan lamor, dan mem manier lagras regne par lazistis pou amenn lavi eternel atraver Zezi Kris, nou Segner.

Psom 16:11

To touletan montre mwa bon sime lavi; kan to la, mo lavi ranpli ar lazwa; dan to prezans ena boner pou touzour.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Zn 6:68

Simon Pier reponn, “Segner, kot nou pou ale? Tomem ki ena Parol lavi eternel.

Zn 5:29

Ler pou sorti dan tom, tou dimounn ki finn fer dibien pou leve e pou gagn lavi; tou dimounn ki finn fer lemal pou leve e pou kondane.

Revelasion 1:18

momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.

1 Zn 2:25

Samem ki li finn promet nou: lavi eternel.

Proverb 19:12

Kan lerwa ankoler li kouma enn lion ki fer per; me so bonte kouma laroze ki rafresi lerb ver.

Psom 21:4

Li ti dimann twa lavi e to finn donn li lavi ki dire pou touzour.

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 4:14

Me dimounn ki bwar dilo ki mwa mo pou donn li, nepli pou gagn swaf; dilo ki mwa mo pou donn li, pou vinn enn lasours lavi eternel dan li.”

Psom 21:5

So laglwar li gran parski ena to lame laviktwar ladan; to finn donn li repitasion ek mazeste.