Psom 119:9 - Nouvo Testaman Kreol Morisien Harmonisation NTPS KM

⁹ Ki manier enn zennom kapav res prop dan lavi? Li bizin obeir to lansegnman.

Kreol Morisyen OT Portions

⁹ Kimanier enn zennom kapav res prop dan lavi? Li bizin obeyir to lansegnman.

Psom 119:9 Referans Kwoze

2 Tim 2:22

Fer atansion bann piez kot zenes rantre san panse. Touzour viv drwat. Pratik lafwa, lasarite, lape avek bann dimounn sinser kan zot invok Lesegner.

Psom 25:7

Pa rapel mo bann erer ek bann pese zenes; me dapre to lamour infini, rapel mwa akoz to bonte, SEGNER.

Psom 119:11

Mo prezerv to parol dan mo leker pou mo pa fer pese kont twa.

Proverb 1:10

Mo zanfan, si move dimounn rod tant twa, pa rant dan zot piez.

Psom 34:11

Vini zenes, koste kot mwa; les mo montre zot kouma respekte LESEGNER.

Zn 15:3

Zot finn deza pirifie par parol ki mo finn dir zot.

Proverb 4:1

Mo zanfan, ekout konsey to paran; fer atansion, e to pou gagn disernman.

Proverb 1:4

pou ed bann inioran pran prekosion, pou donn bann zenes konesans ek kapasite pou reflesi.

Proverb 7:7

Mo pe obzerv bann zennzan ale-vini. Zot paret san lexperyans; parmi, ena enn ti zenes san bonsans.

Lk 15:13

Pli zenn-la pa perdi letan. Li ramas tou so bann zafer e li al bien-bien lwin dan enn lot pei. Laba li amenn enn lavi dezord e gaspiy tou so dibien.

Psom 17:4

kouma lezot fer; mo prefer ekout to konsey ek evit sime violans.

Proverb 2:11

Lerla, to bon rezonnman pou gid twa, to disernman pou protez twa.