Psom 119:176 - Nouvo Testaman Kreol Morisien Harmonisation NTPS KM

¹⁷⁶ Mo finn egare kouma enn brebi ki finn perdi sime; vinn sers mwa, to serviter; zame mo finn bliye to bann komannman.

Kreol Morisyen OT Portions

¹⁷⁶ Mo finn egare kouma enn brebi k‘inn perdi sime; vinn sers mwa, to serviter; zame mo finn bliye to bann komandman.

Psom 119:176 Referans Kwoze

Lk 19:10

Parski Garson Limanite inn vinn rod seki finn perdi pou sov zot.”

Zn 10:16

Mo ena lezot mouton ankor me zot pa ankor dan sa park-la; mo bizin al rod zot osi e zot pou ekout mo lavwa. Lerla pou ena enn sel troupo ek enn sel berze.

Mt 15:24

Zezi reponn, li dir, “Bondie finn avoy mwa zis pou bann brebi perdi pep Izrael.”

1 Pi 2:25

Wi, zot ti bann brebi egare, me aster-la zot finn retourn kot berze ki gardien zot lam.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Psom 119:93

Zame mo pou inior to bann instriksion parski gras-a zot mo ankor vivan.

Psom 119:61

Malgre bann azan lemal finn instal piez lor mo sime mo pa pou bliye to lalwa.

Let Zak 1:17

Tou don parfe ek tou bon kado sorti depi lao kot Bondie, Kreater lalimier. E Bondie pa sanze, li pa konn leklips ni lonbraz.

Ga 4:9

Me aster-la zot konn Bondie - ou plito aster-la Bondie konn zot - kouma zot kapav retourn ankor anba sa bann move lespri ki feb ek pov-la? Zot anvi revinn esklav bann-la ankor?

Mt 10:6

al plito kot bann brebi perdi dan Izrael.

Psom 119:16

To bann lalwa donn mwa satisfaksion; to parol finn grave dan mo memwar.