Psom 119:157 - Nouvo Testaman Kreol Morisien Harmonisation NTPS KM

¹⁵⁷ Mo ena boukou lennmi e boukou persekiter, me zame mo finn abandonn to regleman.

Kreol Morisyen OT Portions

¹⁵⁷ Mo ena boukou ennmi e boukou persekiter, me zame mo finn abandonn to regleman.

Psom 119:157 Referans Kwoze

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

Psom 119:51

Bann vantar finn bien fer foutan ar mwa me mo pa finn abandonn bann prinsip to lalwa.

Zistwar Bann Zapot 4:27

Li bien vre ki Erod e Pons Pilat finn marye-pike, ansam ar bann nasion ek Izrael, kont Zezi, to serviter sin, ki to finn konsakre.

Mt 24:9

Dimounn pou livre zot, pou touy zot e tou bann nasion pou ayir zot akoz mo nom.

Psom 119:110

Bann ki pratik lemal ti met piez partou lor mo larout; malgre sa mo ti refiz dezobeir to lansegnman.

Psom 56:2

bann ki kont mwa persekit mwa touletan; zot enn kantite sa bann arogan ki pe atake la.

Psom 44:17

Tousala finn ariv nou. Pourtan nou pa finn bliye twa! Pourtan nou pa finn kas lalians ki existe ant twa ek nou!

Psom 25:19

Nek gete ki kantite lennmi ki otour mwa e gete kouma zot ayir mwa avek violans.

Psom 22:16

Bann lisien pe tom lor mwa; enn group kriminel finn anserkle mwa, zot pers mo lame mo lipie.

Psom 22:12

Mo lennmi pe antour mwa kouma toro feros; kouma toro ki sorti Basann zot pe fons otour mwa.

Psom 7:1

SEGNER mo Bondie, mo vinn ver twa pou gagn to proteksion; bann persekiter pe pourswiv mwa; sov mwa, delivre mwa.

Mt 26:47

Zezi ti pe koze, kan Zida, enn parmi Ledouz, vini avek enn lafoul dimounn ki ti arme ar lepe ek gourdin. Bann sef pret ek ansien parmi bann lepep finn avoy zot.