Psom 119:118 - Nouvo Testaman Kreol Morisien Harmonisation NTPS KM

¹¹⁸ To kondann bann ki dezobeir to instriksion parski bann plan fos ki zot fer pa servi nanye.

Kreol Morisyen OT Portions

¹¹⁸ To kondann bann ki dezobeyir to instriksion parski bann plan fos ki zot fer pa servi nannye.

Psom 119:118 Referans Kwoze

Psom 119:10

Ar tou mo leker mo rod twa; anpes mwa dezobeir to komannman.

Psom 119:21

To repros bann ki fer zot fanor, bann modi ki dezobeir to instriksion.

Ef 5:6

Napa les personn anbet zot ar bann parol vid, parski sa bann kiksoz lamem ki amenn lakoler Bondie lor bann dimounn ki dezobeir.

Ef 4:22

Alor zot bizin abandonn zot ansien natir, manier zot ti pe viv avan e ki pouri par bann fos dezir.

Psom 119:29

Anpes mwa pran move sime e dan to bonte, ansegn mwa to lalwa.

Revelasion 18:23

Lalimier lalanp pou nepli briye kot twa ankor, e pou nepli tann lavwa nouvo ek nouvel marye sorti kot twa. Parski to bann marsan ti pli pwisan lor later, e par to bann sorselri to ti anbet tou bann nasion.

1 Zn 2:21

Mo pe ekrir zot, pa parski zot pa konn laverite, me parski zot bien konn li e zot kone osi ki okenn mansonz pa kapav sorti depi laverite.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimounn ek zot pou tronp zotmem.

Lk 21:24

Bann-la pou transpers zot ar pwint lepe, pou fer zot prizonie parmi bann lezot pep; sa bann pep-la pou pil lor Zerizalem ziska ki letan ki finn akord zot termine.

Psom 95:10

Pandan karant an mo ti degoute ar zot. Mo ti dir, "Get kouma zot ena lespri egare; Zot refiz obeir mo instriksion.”

Psom 78:57

Zot pran move sime parey kouma zot bann anset. Zot ti parey kouma enn zarm kase ki kapav fer tret.

Revelasion 14:20

Preswar-la ti andeor lavil, zot ti kraz rezin e ti ena disan ki ti koule. Disan-la ti inond partou, lor enn distans trwa san kilomet, ek enn oter ziska lamaswar bann seval.

Proverb 12:20

Ena mesanste dan leker bann dimounn ki fer lemal; me ena lazwa dan leker bann dimounn ki fer lape.