Psom 112:10 - Nouvo Testaman Kreol Morisien Harmonisation NTPS KM

¹⁰ Kan bann azan lemal trouv sa, zot ankoler; zot grinse, lor vites zot disparet; zot lespwar disparet pou touletan.

Kreol Morisyen OT Portions

¹⁰ Kan bann azan lemal trouv sa, zot ankoler; zot grinse, lor vites zot disparet; zot lespwar disparet pou toultan.

Psom 112:10 Referans Kwoze

Lk 13:28

Laba pou ena plore, kriye, e ledan pou grinse, letan zot pou trouv Abraam, Izaak, Zakob ek tou bann profet dan Rwayom Bondie alor ki zot, pou zet zot deor.

Proverb 11:7

Kan enn move dimounn mor, so lespwar osi anvole; konfians ki li ti ena dan so rises, disparet kouma lafime.

Proverb 10:28

Lespwar bon dimounn donn zot lazwa; move dimounn pena lavenir ditou.

Psom 86:17

Montre enn sign ki to kontan mwa; koumsa mo lennmi pou gagn laont ler zot trouv sa, parski twa, SEGNER, to finn sekour mwa, to finn konsol mwa.

Psom 37:12

Bann move dimounn fer konplo kont bon dimounn e zot grins zot ledan ar laenn.

Mt 22:13

Lerla lerwa dir so bann serviter, ‘Atas so lame ek so lipie, zet li deor dan teneb, la kot pou ena boukou plore, kriye ek grinsman ledan.’

Mt 8:12

Me bann ki sipoze dan rwayom, pou gagn zet deor dan nwar kot zot pou plore ek grins zot ledan.