Psom 112:1 - Nouvo Testaman Kreol Morisien Harmonisation NTPS KM

¹ Alelouya, nou sant louanz LESEGNER! Bienere dimounn ki onor LESEGNER, ki obeir so lansegnman ar plezir.

Kreol Morisyen OT Portions

¹ Alelouya, nou sant louanz LESEGNER! Bienere dimoun ki onor LESEGNER, ki obeyir so lansegnman ar plezir.

Psom 112:1 Referans Kwoze

Psom 128:1

Bienere tou dimounn ki ena respe pou LESEGNER, bann ki swiv sime li finn trase.

Lk 1:50

Li montre so mizerikord pou dimounn ki onor li, zenerasion apre zenerasion.

Psom 119:35

Gard mwa dan lobeisans to bann instriksion parski zot donn mwa boukou boner.

Psom 145:19

Bann ki onor li gagn seki zot bizin; li tann zot soufrans e li sov zot.

Psom 111:10

Rekonet lotorite LESEGNER samem koumansman lasazes; tou seki pratik sa, montre zot ena bon zizman. Louanz LESEGNER li pou eternel.

Let pou Romin 7:22

Dan mo leker mo pran plezir dan lalwa Bondie.

Psom 119:97

O komie mo kontan to lalwa! Lanwit-lizour mo medit lor to lalwa.

Psom 150:1

Alelouya! Loue Bondie dan so Tanp! Loue li dan lesiel, rwayom so pwisans!

Psom 147:1

Alelouya! Ala li zoli la kan nou sant louanz nou Bondie; li pa zis zoli, li merite ki nou sant enn kantik louanz.

Psom 119:143

Traka ek tourman trangle mo lexistans me to lalwa ranpli mo leker ar lazwa.

Psom 40:8

Mo ena boukou plezir obeir to volonte, Bondie. Mo finn grav to lalwa dan mo leker.”

Let pou Romin 8:6

Si natir imin ki pe kontrole, sa li amenn lamor; me si Lespri ki dirize, sa li donn lavi ek lape.

Psom 119:16

To bann lalwa donn mwa satisfaksion; to parol finn grave dan mo memwar.

Psom 119:14

Mo ena boukou lazwa kan mo obeir to komannman plis ki lazwa ki enn dimounn ena ki posed enn rises enorm.

Psom 111:1

Alelouya, nou sant louanz LESEGNER! Depi profonder mo leker mo pou dir LESEGNER mersi dan lasanble bann fidel, divan tou dimounn.