Psom 110:3 - Nouvo Testaman Kreol Morisien Harmonisation NTPS KM

³ Kan ou desid pou dres kont ou lennmi ou pep pou dibout pou soutenir ou konba. Parey kouma laroze gramatin bann zenes pou vinn ver ou lor montagn sakre.

Kreol Morisyen OT Portions

³ Kan ou desid pou mat ar ou ennmi ou pep pou dibout pou soutenir ou konba. Parey kouma laroze gramatin bann zenes pou vinn ver ou lor montagn sakre.

Psom 110:3 Referans Kwoze

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

1 Tes 4:7

Bondie pa finn apel nou pou viv dan imoralite, me pou viv enn lavi sin.

Ef 1:4

Avan mem fondasion lemond li ti finn swazir nou pou limem par Lekris pou ki nou vinn sin ek san repros devan li.

Revelasion 7:9

Apre sa, mo gete e mo trouv enn gran lafoul ki personn pa kapav konte. Tousala ti bann dimounn ki ti sorti dan tou nasion, tribi, pep ek langaz e zot ti pe debout devan tronn ek devan Agno dan zot rob blan avek enn brans palmis dan zot lame.

2 Ko 13:4

Letan ti krisifie li, li ti dan febles, me aster-la li vivan par pwisans Bondie. Dan Lekris nou osi nou feb, me par pwisans Bondie nou pou vivan avek li pou zot.

2 Ko 8:16

Nou rann gras Bondie ki finn met dan leker Tit mem lanvi pou ed zot.

2 Ko 8:12

Si zot ena bonn volonte, Bondie aksepte don ki zot done dapre seki zot ena, pa dapre seki zot pena.

Zistwar Bann Zapot 21:20

Ler zot ti tann sa, zot ti glorifie Bondie. Apre zot dir Pol, “Frer, get komie milie krwayan ena parmi bann Zwif e zot tou bien atase ar Lalwa.

Psom 96:9

Ador LESEGNER ki sin, ler li paret dan so mazeste; liniver ki li finn kree, tranble devan li.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Zistwar Bann Zapot 2:41

Boukou seki finn krwar sa mesaz-la ti resevwar batem, e sa zour-la anviron trwa-mil dimounn ti azoute ar group bann krwayan.

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann seki zot pe trouve ek tande.

Zistwar Bann Zapot 1:8

Me zot pou gagn enn lafors kan Lespri Sin pou desann lor zot, lerla zot pou vinn mo temwin dan Zerizalem, dan Zide ek Samari e partou lor later.”

Zistwar Bann Zapot 19:20

Koumsa mem parol Lesegner ti fann partou e ti pe grandi avek lafors.

Zistwar Bann Zapot 4:4

Boukou ki ti tann laparol ti krwar, e ti ena anviron sink mil dimounn.

Psom 29:2

Donn LESEGNER laglwar ki so nom merite, ador LESEGNER ki sin, ler li paret dan so mazeste.