Psom 10:17 - Nouvo Testaman Kreol Morisien Harmonisation NTPS KM

¹⁷ SEGNER, to tann dezir bann ti dimounn, to pou ekout bann feb e donn zot kouraz.

Kreol Morisyen OT Portions

¹⁷ SEGNER, to tann dezir bann ti dimoun, to pou ekout bann feb e donn zot kouraz.

Psom 10:17 Referans Kwoze

Psom 145:19

Bann ki onor li gagn seki zot bizin; li tann zot soufrans e li sov zot.

Psom 34:15

LESEGNER protez bann ki dan bon sime e li ekout zot douler;

1 Pi 3:12

Parski Lesegner vey lor bann ki fidel, e li pre pou ekout zot lapriyer. Me Lesegner li kont bann ki fer ditor.”

Psom 37:4

Si to rod to boner dan LESEGNER li pou donn twa dezir ki ena dan to leker.

Psom 9:12

Bondie ki galoup deryer bann asasin, li rapel zot viktim; li pa bliye lavwa ki exprim soufrans bann malere.

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

Let Zak 4:10

Abes zot devan Lesegner e li pou elev zot.

Proverb 16:1

Zom kapav fer bel-bel plan, me LESEGNER ki ena dernie mo.

Psom 102:17

Li pou tann soufrans so pep abandone e li pou exos zot lapriyer.

Let Zak 4:6

Me Bondie donn tou dimounn boukou plis lagras, samem Lekritir dir osi, “Bondie kont bann orgeye e li donn lagras bann ki ena limilite.”

Ef 3:12

Par Lekris ek par nou lafwa dan li nou kapav ena kouraz pou rant dan prezans Bondie ar konfians.

Ef 2:18

Par Lekris nou tou, Zwif ek non-Zwif, nou kapav prezant nou devan Bondie Papa dan enn sel Lespri.

Let pou Romin 8:26

Dan mem manier Lespri vinn ed nou dan nou febles, parski nou pa konn priye kouma bizin, me Lespri limem intersed pou nou par bann soupir ki pa kapav exprime par okenn parol.

Mt 5:3

“Bienere zot ki pov dan zot lespri, Rwayom Bondie li pou zot.

Proverb 15:8

Lapriyer bon dimounn fer LESEGNER plezir; me li deteste lofrand bann malonet.

Proverb 10:24

Dimounn drwat gagn seki zot dezire; move dimounn gagn seki zot plis per.

Psom 9:18

Bann ki dan bezwin pa pou touletan pas mizer; e bann ki soufer povrete, zot lespwar pa pou tom dan dilo.