Psom 1:3 - Nouvo Testaman Kreol Morisien Harmonisation NTPS KM

³ Li kouma enn pie ki pous dan bor dilo, ki raport so fri dapre so sezon e so fey res touletan ver. Sa dimounn ere la li touletan prospere.

Kreol Morisyen OT Portions

³ Li kouma enn pie ki pous danbor dilo, ki raport so fri dapre so sezon e so fey res toultan ver. Sa dimoun ere la li toultan prospere.

Psom 1:3 Referans Kwoze

Psom 92:14

ki kontign port fri dan zot vieyes e ki touletan ver ek for.

Zn 15:6

Si kikenn pa res ar mwa, pou zet li deor parey kouma fer ek enn brans ki pa raporte; lerla li pou sek. Dimounn ramas sa bann brans-la, zet zot dan dife e zot brile.

Revelasion 22:2

Omilie laplas lavil, lor de kote larivier ena enn bann pie lavi avek zot douz kalite fri. Sak mwa zot donn zot fri ek zot fey servi pou geri lepep.

Mt 13:6

Me kan soley tape, zot griye, zot fletri parski zot pa ti ena ase rasinn.

Psom 128:2

To travay pou ranpli to gard-manze; li donn twa boner ek prosperite.

Mt 21:34

Letan finn ariv ler pou rekolte, li avoy so bann serviter kot bann travayer-la pou al sers so par.

Mt 21:19

Li trouv enn pie fig dan bor sime e li al pre ar li, me li pa trouv okenn fri, me zis bann fey. Alor li dir pie fig-la: “To nepli pou donn fri ankor” Enn sel kou pie fig sek.

Let Zid 1:12

Zot prezans li enn skandal dan zot bann repa fraternel, kot zot fer fet san okenn laont e zot nek okip zotmem. Zot parey bann niaz ki pena lapli e ki divan pe pouse. Zot parey bann zarb ki mem dan lotonn pa donn fri, enn fwa derasinn zot, zot mor pou touletan.

Mt 21:41

Zot dir li, “Li pou masakre sa bann kriminel-la e lwe so karo ar enn lot bann travayer ki pou donn li so par apre rekolt.”

Psom 129:8

Akoz samem bann pasan ki pase, zame zot pou arete pou dir bann mwasoner, “LESEGNER beni twa; Nou beni twa dan nom LESEGNER!”

Psom 92:15

Tousala montre ki pena linzistis dan LESEGNER, “li mo ranpar e dan li pena linzistis.”