Proverb 8:36 - Nouvo Testaman Kreol Morisien Harmonisation NTPS KM

³⁶ Me dimounn ki rezet mwa, li fer limem dimal; dimounn ki pa kontan mwa, li kontan lamor.

Kreol Morisyen OT Portions

³⁶ Me dimoun ki rezet mwa, li fer limem dimal; dimoun ki pa kontan mwa, li kontan lamor.

Proverb 8:36 Referans Kwoze

Proverb 15:32

Si to ignor bon konsey, to fer tomem ditor; me si to aksepte zot, to vinn pli saz.

Proverb 1:31

Aster-la, zot pou pey konsekans zot betiz, zot pou degout zot lavi ar zot bann move aksion.

1 Ko 16:22

Si kikenn pa kontan Lesegner, ki li modi. Maranata. Vini Segner!

Proverb 20:2

Kan lerwa ankoler li kouma enn lion ki pe grogne; pa ogmant so koler, to pou fini sis pie anba later.

Proverb 12:1

Bann dimounn ki anvi aprann, zot aksepte disiplinn; me bann bet pa aksepte repros.

Eb 10:29

Ki pou ariv sa dimounn ki mepriz Garson Bondie, ki tret bonavini disan lalians Bondie ki finn pirifie li e ki insilte Lespri lagras? Zot kapav devine ki kantite sever so pinision pou ete!

Eb 2:3

kouma nou pou sap nou lavi si nou negliz enn gran delivrans parey? Lesegner ti koz lor la an-premie, apre lezot ti prouv li par zot temwaniaz.

Zistwar Bann Zapot 13:46

Lerla, avek boukou kouraz, Pol ek Barnabas dir bann-la, “Li ti neseser ki anons Parol Bondie ar zot premie dabor. Me akoz zot finn repous li e zot pa konsider zot dign lavi eternel, abe aster-la nou pou al kot bann non-Zwif.

Proverb 21:6

Larises ki to gagne kan to koz manti, li atir twa dan lamor e li disparet vit.

Proverb 1:32

Bann ti-lespri pou mor dan zot mesanste, bann fezer pou detrir ar zot prop lorgey.

Zistwar Bann Zapot 16:28

Me Pol kriye, “Pa fer twa ditor. Nou tou lamem.”