Proverb 8:13 - Nouvo Testaman Kreol Morisien Harmonisation NTPS KM

¹³ Kan nou respekte LESEGNER, nou deteste lemal. Mwa, lasazes, mo deteste lorgey ek larogans; mo pa siport lemal ek mansonz.

Kreol Morisyen OT Portions

¹³ Kan nou respekte LESEGNER, nou deteste lemal. Mwa, lasazes, mo deteste lorgey ek larogans; mo pa siport lemal ek mansonz.

Proverb 8:13 Referans Kwoze

Proverb 16:6

Dimounn ki lwayal ek fidel, so bann pese pardone; me si to respekte LESEGNER, to pou evit fer lemal.

Psom 97:10

LESEGNER kontan bann ki deteste lemal; li protez lavi so bann fidel; li aras zot dan lame bann ki pratik lemal.

Proverb 4:24

Pa les mansonz sorti dan to labous; pa les to lalang bate pou koz ninport.

1 Tes 5:22

Evit tou seki asosie ar lemal.

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

Psom 119:128

Alor san ezite mo swiv tou to bann instriksion e mo deteste larout mansonz.

Proverb 16:18

Lorgey amenn destriksion; larogans amenn larwinn.

Proverb 6:12

Vorien ek malfeter, pas zot letan fann mansonz.

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimounn. Tou dimounn ki priy Lesegner bizin evit lemal.

Let pou Romin 12:9

Lamour bizin sinser. Deteste seki move, atas zot ar seki bon.

Psom 138:6

Mem to lao laba dan lesiel, to okip bann ti-dimounn anba e bann vantar to rekonet zot depi lwin.

Psom 101:3

Mo pa pou toler ki lemal vinn dan mo prezans. Mo deteste aksion bann ki renie Bondie; mo pa pou frekant zot, ni aksepte zot aksion.

Proverb 10:31

Bann dimounn drwat koz langaz lasazes; me bann ki ena lalang manter pou gagn pinision.

Psom 119:104

To instriksion fer mwa vinn saz akoz sa mo deteste move konportman.

Proverb 3:7

Zame pa krwar ki to tro saz; me respekte LESEGNER e evit lemal.

Proverb 15:9

LESEGNER deteste konportman bann move dimounn; me li kontan bann ki azir bien.

Proverb 16:5

LESEGNER deteste larogans; bann arogan pou gagn zot pinision.