Proverb 30:12 - Nouvo Testaman Kreol Morisien Harmonisation NTPS KM

¹² Ena dimounn ki krwar zot parfe, me an-verite, zot sal ar pese.

Kreol Morisyen OT Portions

¹² Ena dimoun ki krwar zot parfe, me anverite, zot sal ar pese.

Proverb 30:12 Referans Kwoze

Lk 18:11

Farizien-la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimounn, voler, explwater, adilter, e sirtou pa kouma sa komi tax-la.

Proverb 16:2

Bann imin krwar ki zot pe bien azir; me LESEGNER konn bien ki ena dan zot leker.

2 Tim 3:5

Me zot pou fer sanblan zot relizie alor ki zot bann ipokrit. Pa frekant zot.

Let pou Tit 3:5

li finn sov nou. Pa akoz nou bann bon aksion me par so mizerikord. Li finn sov nou atraver delo ki donn enn nouvo nesans ek enn renouvelman par Lespri Sin.

Lk 16:15

Zezi dir zot, “Zot fer krwar ki zot ena lazistis zis pou lizie dimounn, me Bondie konn zot leker. Seki ena valer pou dimounn, enn abominasion pou Bondie.

Proverb 21:2

To kapav panse ki to ena rezon; me LESEGNER konn bien to lintansion.

1 Ko 6:11

Ala kouma sertin parmi zot ti ete. Me nou Segner Zezi ek Lespri Bondie finn pirifie zot, finn sanktifie zot, ek finn met zot drwat devan Bondie.

Psom 51:7

Efas mo pese e mo pou vinn prop; netway mwa e mo pou vinn pli blan ki lanez.

Psom 51:2

Lav mwa, retir tou mo bann fot, pirifie mwa, retir mo bann pese.

Psom 36:2

Zot telman flat zotmem ki zot pa rekonet zot fot, ni deteste zot pese.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.