Proverb 29:23 - Nouvo Testaman Kreol Morisien Harmonisation NTPS KM

²³ Kan to viv ek lorgey, enn zour to pou abese; me si to viv ek limilite, enn zour to pou onore.

Kreol Morisyen OT Portions

²³ Kan to viv ek lorgey, enn zour to pou abese; me si to viv ek limilite, enn zour to pou onore.

Proverb 29:23 Referans Kwoze

Mt 23:12

Dimounn ki anvi gagn laglwar, pou imilie li, dimounn ki imilie li, pou gagn laglwar.

Lk 14:11

Seki rod grander pou abese, seki abese pou gagn grander.”

Proverb 11:2

Lorgey atir dezoner; me limilite atir lasazes.

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

Proverb 15:33

Respe pou LESEGNER fer gagn lasazes; limilite ouver laport loner.

Proverb 16:18

Lorgey amenn destriksion; larogans amenn larwinn.

Lk 18:14

Mo dir zot, kan sa dimounn-la rant so lakaz li pou gagn pardon Bondie, me pa lot-la. Seki rod grander pou abese, e seki abese pou gagn grander.”

Proverb 18:12

Leker ki ranpli ar lorgey atir katastrof; me limilite atir loner.

Mt 18:4

Dimounn ki pli gran dan rwayom lesiel li kikenn ki abes li e fer li vinn tipti kouma sa zanfan-la.

Mt 5:3

“Bienere zot ki pov dan zot lespri, Rwayom Bondie li pou zot.

Zistwar Bann Zapot 12:23

Anplas enn anz Lesegner zet Erod anba parski li pa finn glorifie Bondie, me finn pran loner-la pou li. Lever manz li e li mor.

Proverb 16:19

Preferab enn lavi sinp parmi bann pov, ki pran par dan rises mal-gagne bann orgeye.

Proverb 17:19

Seki kontan kerel, sem diskord; seki rod grander pou gagn maler.

Proverb 22:4

Mars avek limilite e respekte LESEGNER; lerla, to pou viv lontan e to pou gagn rises ek loner.