Proverb 29:22 - Nouvo Testaman Kreol Morisien Harmonisation NTPS KM

²² Dimounn ki sap lor kal vit, li amenn dezord; e dimounn ki sofe vit, li sem diskord.

Kreol Morisyen OT Portions

²² Dimoun ki sap lor kal vit, li amenn dezord; e dimoun ki sofe vit, li sem diskord.

Proverb 29:22 Referans Kwoze

Proverb 15:18

Kan dimounn sof vit, dispit pran pouvwar; kan dimounn res kalm, lape gagn viktwar.

Proverb 17:19

Seki kontan kerel, sem diskord; seki rod grander pou gagn maler.

Proverb 26:21

Parey kouma sarbon fer labrez ek dibwa nouri dife, enn palabrer nouri laenn ek konfli.

Proverb 10:12

Laenn amenn lager; lamour pardonn erer.

Let Zak 3:16

La kot ena zalouzi, lanvi ek lanbision, pou ena osi dezord ek tout sort kalite mesanste.

Proverb 22:24

Pa rant kamarad ar dimounn ki sap lor kal brit-brit; pa frekant dimounn ki sofe pou enn wi, pou enn non;

Proverb 14:17

Bann ki ankoler vit fer boukou betiz; kan to anbet dimounn, zot deteste twa.

Proverb 30:33

Kan to bat lakrem dile, to gagn diber; kan to gagn kou lor nene, disan koule; me kan to provok lakoler, to ava gagn lager.

Proverb 29:21

Si touletan to donn to travayer tou seki li dimande, enn zour li pou fer gran-nwar ar twa.

Proverb 27:17

Feray fit feray; dimounn transform dimounn.