Proverb 29:18 - Nouvo Testaman Kreol Morisien Harmonisation NTPS KM

¹⁸ Kan dirizan pena vizion, lepep pena kontrol; me bienere dimounn ki respekte lalwa Bondie.

Kreol Morisyen OT Portions

¹⁸ Kan dirizan pena vizion, lepep pena kontrol; me bienere dimoun ki respekte lalwa Bondie.

Proverb 29:18 Referans Kwoze

Lk 11:28

Me Zezi reponn li, “Bienere plito seki ekout Parol Bondie e obeir li!”

Let Zak 1:25

Me dimounn ki persevere pou examinn vre lalwa, lalwa laliberte, e li kontign ladan avek fidelite, li pa zis kontant li ekoute, me li osi met parol-la an pratik, abe sa dimounn-la li pou beni dan tou seki li fer.

Zn 13:17

Si aster zot finn konn tousala, zot pou bienere si zot met sa an pratik.

Proverb 19:16

Obzerv komannman Bondie e to pou viv bien; me si to swiv move sime to pou trouv lamor.

Psom 119:2

Bienere bann ki swiv so instriksion, ki obeir li ar sinserite profon dan zot leker.

Mt 9:36

Ler Zezi get lafoul, li ti ranpli ar konpasion pou zot, parski zot ti pe plengne e zot ti abat kouma bann mouton ki pena berze.

Psom 74:9

Bann sinbol sakre finn elimine; inn nepli ena okenn profet. Personn pa kone komie letan sa pou dire.

Psom 19:11

Zot donn mwa, to serviter, gran konesans e kan mo obeir zot mo gagn rekonpans.

Revelasion 22:14

Bienere dimounn ki lav so rob pou li gagn drwa manz fri pie lavi e rant dan lavil par so bann laport.

Psom 106:3

Bienere dimounn ki obzerv lazistis, ki pratik drwatir touletan.

Proverb 8:32

Aster-la, ekout mwa mo bann zanfan: bienere zot, ki mars dan mo sime.

Proverb 29:19

Zis parol pa ase pou koriz enn ti-lespri; li kapav tande, me li pa pou sanze.

Psom 119:1

Bienere bann ki amenn enn lavi san repros, ki viv dapre lalwa LESEGNER.