Proverb 28:14 - Nouvo Testaman Kreol Morisien Harmonisation NTPS KM

¹⁴ Bienere dimounn ki gagn per pou fer lemal; me bann leker dir ki pa oule sanze, pou rwine.

Kreol Morisyen OT Portions

¹⁴ Bienere dimoun ki gagn per pou fer lemal; me bann leker dir ki pa oule sanze, pou rwine.

Proverb 28:14 Referans Kwoze

Proverb 23:17

Pa bizin zalou bann move dimounn; respekte LESEGNER sak zour to lavi.

Psom 2:11

Obeir LESEGNER ar boukou respe; exprim zot lazwa, avek tranbleman.

1 Pi 1:17

Si zot priye Bondie kouma Papa ki ziz tou dimounn parey dapre so aksion, zot bizin ena respe pou li letan ki zot lor later.

Let pou Romin 11:20

Sa li vre. Ti koup zot akoz zot ti mank lafwa, e twa to dan zot plas akoz lafwa ki to ena. Me pa pran enn ler arogan; okontrer montre boukou respe.

Eb 4:1

Pandan ki promes pou rant dan repo Bondie touzour valab, anou pran kont pou ki personn parmi zot pa perdi sa lokazion pou rant ladan la.

Proverb 29:1

Seki touletan rezinbe kan gagn repros, maler pou tom lor li antret. Okenn remed pa pou sap so lavi.

Psom 112:1

Alelouya, nou sant louanz LESEGNER! Bienere dimounn ki onor LESEGNER, ki obeir so lansegnman ar plezir.

Psom 95:8

“Pa andirsi zot leker kouma zot anset dan Meriba; pa fer seki bann-la ti fer dan dezer Masa.

Let pou Romin 2:4

Oubien to mepriz bonte, pasians ek tolerans Bondie, san ki to realize ki so bonte pe rod fer twa repanti?

Psom 16:8

LESEGNER li touletan dan mo lespri; li touletan la koste ar mwa, mo pa pou konn defet.

Let pou Romin 2:5

Me to pa oule konpran, to pa dispoze sanze. Akoz sa to atir enn pli gran pinision lor twa pou sa zour kot Bondie pou revel so zizman ki zis la.