Proverb 23:17 - Nouvo Testaman Kreol Morisien Harmonisation NTPS KM

¹⁷ Pa bizin zalou bann move dimounn; respekte LESEGNER sak zour to lavi.

Kreol Morisyen OT Portions

¹⁷ Pa bizin zalou bann move dimoun; respekte LESEGNER sak zour to lavi.

Proverb 23:17 Referans Kwoze

Proverb 28:14

Bienere dimounn ki gagn per pou fer lemal; me bann leker dir ki pa oule sanze, pou rwine.

1 Pi 1:17

Si zot priye Bondie kouma Papa ki ziz tou dimounn parey dapre so aksion, zot bizin ena respe pou li letan ki zot lor later.

2 Ko 7:1

Mo bann kamarad, tou sa bann promes-la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

Proverb 15:16

Preferab gagn tigit, me ena respe pou LESEGNER; ki gagn boukou avek enn ta traka.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

Proverb 3:31

Pa zalou enn dimounn violan, e pa swiv so manier.

Psom 111:10

Rekonet lotorite LESEGNER samem koumansman lasazes; tou seki pratik sa, montre zot ena bon zizman. Louanz LESEGNER li pou eternel.

Proverb 24:1

Pa rod fer kouma bann move dimounn; pa ni frekant zot.

Proverb 24:19

Pa kas to latet ar bann move dimounn; pa rod vinn kouma zot;

Proverb 24:21

Mo zanfan, respekte LESEGNER e respekte lerwa; pa rant kamarad ar lennmi LESEGNER, ni ar lennmi lerwa.