Proverb 22:9 - Nouvo Testaman Kreol Morisien Harmonisation NTPS KM

⁹ Bann dimounn ki ena bon leker pou gagn benediksion, parski zot partaz zot manze ar bann pov.

Kreol Morisyen OT Portions

⁹ Bann dimoun ki ena bon leker pou gagn benediksion, parski zot partaz zot manze ar bann pov.

Proverb 22:9 Referans Kwoze

Proverb 19:17

Kan to ed bann pov, to pe pret LESEGNER, limem ki pou rekonpans twa.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot ankor pe fer zordi.

1 Pi 4:9

Ouver zot laport ar tou dimounn san ki zot plengne.

Zistwar Bann Zapot 20:35

Dan tou seki mo finn fer, mo finn montre zot kouma avek travay dir, nou kapav pran swin bann feb. Rapel parol ki Lesegner Zezi ti dir, ‘Ena plis benediksion kan done, ki kan resevwar.’ ”

Eb 13:16

Pa bliye pou fer dibien ek partaz seki zot ena, parski samem bann sakrifis ki fer plezir Bondie.

Lk 14:13

Me kan to fer enn fet invit bann pov, bann infirm, bann bwate ek bann aveg,

Proverb 21:13

Si to refiz ekoute kan bann pov kriye, tou zorey pou sourd, ler twa to pou rod sekour.

Psom 112:9

Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

Proverb 11:25

Dimounn ki zenere pou prospere; seki donn lezot enn ver dilo, zame pa pou gagn swaf.

Mk 7:22

adilter, groker, fer vis, zwe malin, lamizman, met lizie, zoure, vantar, divage.

Mt 20:15

Eski mo pena drwa fer seki mo anvi ar mo dibien? Oubien, eski to zalou parski mo zenere?’

Proverb 31:20

Li zenere ar dimounn pov; li pa ezite pou ed bann malere.

Proverb 11:17

Bann bon dimounn pou gagn zot rekonpans; bann malfeter atir zot prop maler.

Proverb 11:27

Dimounn ki fer dibien gagn faver; me seki pratik lemal gagn maler.

Proverb 14:21

Kan to mepriz to prosin ki gagn fin, to fer enn pese; bienere bann ki bon anver bann pov.

Proverb 28:24

Zanfan ki kokin so paran e ki dir: “pa enn pese sa,” li pa pli bon ki enn bandi.

Proverb 28:27

Seki ed bann pov zame mank nanye; me seki ferm lizie divan lamizer lezot, pou gagn malediksion.