Proverb 22:5 - Nouvo Testaman Kreol Morisien Harmonisation NTPS KM

⁵ Ena pikan ek piez lor sime move dimounn; dimounn pridan res lwin ar sa sime-la.

Kreol Morisyen OT Portions

⁵ Ena pikan ek piez lor sime move dimoun; dimoun pridan res lwin ar sa sime-la.

Proverb 22:5 Referans Kwoze

Proverb 15:19

Sime bann pares ranpli ar pikan; me lor sime bann ki onet pena obstak.

1 Zn 5:18

Nou kone ki dimounn ki pran nesans kot Bondie, pa fer pese, parski Sa-Enn ki finn pran nesans kot Bondie la protez li, e Lemal pa kapav tous li.

Proverb 16:17

Lespri eklere evit pran sime lemal; kan to vey to manier viv, to prezerv to lavi.

Proverb 19:16

Obzerv komannman Bondie e to pou viv bien; me si to swiv move sime to pou trouv lamor.

Proverb 13:15

Bon rezonnman fer twa gagn respe lezot; bann foser swiv sime perdision.

Proverb 13:3

Fer bien atansion ar seki to dir e to pou prezerv to lavi; seki koz ninport san reflesi, pou zwenn tase.

Psom 91:1

Ninport kisann-la ki ena proteksion Bondie Pli Lao, ninport kisann-la ki res dan lonbraz Bondie Toupwisan,

Psom 11:6

Lor bann move dimounn li pou vers labrez ek souf anflame; enn labriz kouma dife, samem ki li pou gard pou zot.

Proverb 22:4

Mars avek limilite e respekte LESEGNER; lerla, to pou viv lontan e to pou gagn rises ek loner.

Proverb 29:6

Si to viv dan lemal, to pou may dan to prop piez; me si to viv onet, to pena traka e to kapav selebre dan lazwa.

Proverb 4:19

Bann move dimounn mars dan sime marenwar; zot kogne, e zot pa kone ar ki.